Qazaqstandaǵy kólik parki artty
«Ákimshilik polıtsııa organdary málimetinshe, Qazaqstanda esepte barlyq tıptegi 4 mln 520 myń kólik tur. Jeńil jáne jeńil kommertsııalyq avtomobıl úlesine 3 mln 758 myń tehnıka nemese 83,2 paıyzy tıesili. Odan keıingi orynda júk kólikteri (423,1 myń), tirkemeler men jartylaı tirkemeler (214,3 myń), avtobýstar (67,9 myń) jáne mototehnıka (55,9 myń) tur», - delingen habarlamada.
2020 jyldyń qortyndysy boıynsha Qazaqstandaǵy kólik quraly parki 4,47 mln-nan 4,52 mln-ǵa deıin artty. Osy oraıda jeńil jáne jeńil kommertsııalyq avtomobılder sany 1,3 paıyzǵa ósti.
Kólik quralyn paıdalanýdyń ortasha merzimi 20,5-ten 20,7 jylǵa deıin joǵarylady. Esepti kezeńde jeńil kólikterdiń ortasha paıdalaný merzimi 19,7-den 19,9 jylǵa jeıin artty.
Jalpy, jeńil kólikterge qatysty bul kórsetkish eskirgen tehnıka kóleminiń basym bolyp otyrǵanyn baıqatyp otyr. Avtoparktiń jartysyn 20 jyldan asqan kólik quraldary (1,88 mln; 49,9 paıyzy) qamtyp tur. 11-den 20 jylǵa deıingiler – 21,3 paıyz (801,3 myń kólik) boldy. Al 8-den 10 jylǵa deıingiler – 447,2 myń kólikke (11,9 paıyz), 6-dan 7 jylǵa deıingiler – 312,3 myń kólikke (8,3 paıyz), 3-ten 5 jylǵa deıingiler – 154,7 myń kólikke (4,1 paıyz), 0-den 2 jylǵa deıingi kólik sany 166,9 myńǵa (4,4 paıyz) jetti.
2021 jylǵy 1 qańtardaǵy jaǵdaı boıynsha Qazaqstanda avtomobıldendirý deńgeıi eldiń 1 myń turǵynyna shaqqanda 199 jeńil kólikti qurady. Ótken jyldary bul kórsetkish: 2017 jyly – 211 kólik, 2018 jyly – 207, 2019 jyly – 202 , 2020 jyly – 199.