Qazaqstandaǵy kitap basý isin ashyq naryqqa jiberý kerek - senator
«Qoǵamdyq mańyzy bar ádebıetti basyp shyǵarý. Bul da mańyzdy másele. Osyǵan deıin sovet kezinde ómir súrgen jazýshylardyń kitaptary ártúrli serııamen jylda qaıta basylyp keldi. Mundaı praktıkadan ketý kerek. Ómirge, qazirgi tirshilikke suranysy joǵary kitaptardy basyp shyǵarý qajet. Qazaqstandaǵy kitap basý isin ashyq naryqqa jiberý kerek. Balalar ádebıetin qoldaý men damytýǵa salalyq mınıstrlik basa mán bermese bolmaıdy»,- dedi senator «Qazaqstan Respýblıkasynyń keıbir zańnamalyq aktilerine mádenıet máseleleri boıynsha ózgerister men tolyqtyrýlar engizý týraly» QR Zańynyń jobasyn talqylaý barysynda.
Sondaı-aq ol salalyq kórkemdik keńester jumysy durys uıymdastyrylýy tıis ekendigin, kórkemdik keńeske bilikti mamandar tartylýy qajettigin, talǵam men talap kúshti bolýy kerektigin basa aıtty.
«Bári mádenıetke baılanysty. Ulttyq mádenıet. Rýhanı mádenıet. Kúndelikti túrli bylyq-shylyqtyń, jemqorlyqtyń, sybaılastyqtyń, ádepsizdiktiń oryn alýy mádenıettiń bolmaýynan. Mádenı deńgeıimizdi kótermeıinshe, kóp nárseni joǵaltamyz. Memleket basshysy Qasym-Jomart Toqaev óz Joldaýynda «Ulttyń jańa bolmysyn qalyptastyrý» týraly aıtty. Qazaqtyń ulttyq jańa bolmysyn - mádenıetsiz, mádenıetti azamattarsyz elestete almaımyz«, - dedi Nurtóre Júsip.
