Qazaqstandaǵy kıikterge sanaq júrgizilýde

ASTANA. QazAqparat - QR Aýyl sharýashylyǵy mınıstrligi 18 sáýirden bastap Qazaqstannyń bıoərtúrliligin saqtaý assotsıatsııasymen (ǵylymı jumystardy qamtamasyz etý) jáne «Qazavıaqutqarý» AQ-men birlesip Betpaqdala, Oral jáne Ústirt popýlıatsııalary kıikterine kezekti áýe sanaǵyn júrgizýde, dep habarlaıdy mınıstrliktiń baspasóz qyzmeti.

Aqbókenderdiń kóship-qoný mekenderi boıynsha qorǵaý jumystaryn kúsheıtý maqsatynda kıikterdiń tóldeıtin mekenderi «Yrǵyz-Torǵaı» jáne  «Altyn dala» eki memlekettik tabıǵı rezervattarynyń ınspektorlaryn qaıta toptastyrý jumystary júrgizildi.

Sondaı-aq, kıikterdi qorǵaýdy qamtamasyz etýdiń praktıkalyq sharalarymen qatar uıymdastyrýshylyq jumystary da júrgizildi.  Oral popýlıatsııasyn qorǵaý úshin Oral qalasynda «Ohotzoprom» oraldyq bólimshesi ashyldy. Betpaqdala popýlıatsııasyn qorǵaýdy qamtamasyz etýdi Aqtóbe jáne Astana qalalaryndaǵy jergilikti Batys jáne ortalyq fılıaldar júzege asyrady.

Sonymen qatar brakonerlikpen qarsy kúresti kúsheıtý úshin «Ohotzopromda» jol talǵamaıtyn kóligi bar tájirıbeli ınspektorlardan quralǵan  6 arnaıy jumyldyrý toby quryldy. Máselen, 2014 jyly QR AShM Orman sharýashylyǵy jáne janýarlar dúnıesi komıtetiniń baǵynysty uıymdarynyń ınspektorlary reıdtik is-shara júrgizý barysynda brakonerlik jáne kıik múıizderin saýdalaý boıynsha shamamen 79 fakti, al 2015 jyly 107 oqıǵany áshkereledi.

Kıikterdi qorǵaý sharalary qanshalyqty utymdy ári operatıvti júrgizilgenimen, QR AShM ótken jylǵy kıikterdiń jappaı qyrylýynyń qaıtalanbasyna qatty alańdaýshylyq tanytyp  otyr.

2016 jyly 4-5 sáýirde Astana qalasynda Qazaqstannyń kedendik, ǵylymı, tabıǵat qorǵaý uıymdarynyń, Ulybrıtanııa, Germanııa sarapshylarynyń qatysýymen Halyqaralyq jıyn ótip,  nátıjesinde Betpaqdala popýlıatsııasy kıikteriniń ótken jylǵy jappaı qyrylýynyń halyqaralyq jáne otandyq mamandandyrylǵan ınstıtýttarda júrgizilgen dalalyq jáne laboratorııalyq zertteýleriniń nátıjeleri talqylandy.

Qazirgi ýaqytta QR BǴM ǵylymı uıymdarynyń aldynda pasterellezdiń qozýynyń naqty sebepterin anyqtaý, sondaı-aq, bolashaqta kıikterge qatysty juttyń aldyn  ala sharalarynyń júrgizilýi boıynsha naqty tapsyrma júktelip otyr.