Qazaqstandaǵy kedeılik sońǵy 10 jylda 4 esege qysqardy - Elbasy
ASTANA. 5 qyrkúıek. QazAqparat - Qazaqstandaǵy kedeılik sońǵy 10 jylda 4 esege qysqardy.
Búgin Astanadaǵy Nazarbaev Ýnıversıtetinde «Qazaqstan bilim qoǵamy jolynda» atty taqyrypta ınteraktıvti dáris oqý barysynda Memleket basshysy Nursultan Nazarbaev osylaı málim etti.
Prezıdenttiń aıtýynsha, sońǵy 10 jylda Qazaqstandaǵy kedeılik deńgeıi 4 esege qysqardy. Azamattardyń tabysy 45 esege ósti. Ekonomıka 16 esege artty. «Jan basyna shaqqandaǵy jalpy ishki ónim 13 myń dollarǵa jetip, Qazaqstan búgingi kúni Túrkııa, Meksıka, Malaızııa, Slovenııa sekildi memelketter qatarynda tur. Osydan on jyl buryn bul týraly armandaı da almas edik», - dedi N. Nazarbaev.
Teńdestirilgen syrtqy saıasat ta álemdik deńgeıde úlken tabysqa jetkizdi.
