Qazaqstandaǵy qazaq jáne orys tildi ınternet saıttar eki túrli baǵytta damyp jatyr - Jalǵas Ertaı
ALMATY. 19 mamyr. QazAqpart - Qazaq jáne orys tildi ınternet saıttardyń qoǵamnyń túrli salasyndaǵy qubylystarǵa pikiri men kózqarasy árqıly.
Bul búgin Almatyda ótip jatqan «Ortalyq Azııadaǵy ınternet salasynyń damýy: InternetCA-2012» forýmynda aıtyldy.
«Qazaqstandyq ınternette eki túrli segment bar. Onda qazaq tildi saıttar óz aldyna ıntýzıastık baǵytta, al orys tildi saıttar bıznes kózi retinde damyp kele jatyr. Osynyń ekeýiniń arasynda aıyrmashylyq múlde bólek. Ekeýindegi kóńil-kúı bir-birine sáıkes kelmeıdi", - deıdi "Tsentr tıajestı" forýmynyń redaktory, bloger Jalǵas Ertaı. Onyń aıtýynsha, mail.ru-dy qazaqstandyq ınternettiń bet-perdesi deýge bolady. Óıtkeni oǵan kúnine 2,1 mıllıon, aptasyna 4,8 mıllıon ınternet qoldanýshy kiredi. Qazaq tildi qoldanýshylar sońǵy ýaqytta feızbýk pen tvıtter sııaqty áleýmettik jelilerge jyljı bastady. Onda qazaq tilinde óte belsendi túrde pikir almasyp otyratyn jáne kez kelgen baǵyttaǵy qubylystarǵa óz pikirlerin bildire alatyn toptar qalyptasa bastady. Máselen «Qazaqtar» degen topta 2150 qoldanýshy tirkelgen.
