Qazaqstandaǵy qaıyń ormany týraly esse jazǵan reseılik qyz NatGeo baıqaýynda jeńimpaz atandy
ASTANA. QazAqparat - Jyl saıyn Máskeýde ótetin jáne úzdik týrıstik baǵyttardy anyqtaıtyn «National Geographic Traveler Awards 2016» baıqaýynyń qorytyndysy boıynsha «EKSPO 2017» «Qazaqstan - ashylý kezeńi» nomınatsııasynda reseılik Marııa Meşerıakova jeńimpaz atandy.
Qatysýshylar Qazaqstannyń asa tanymal emes kórikti jerleri týraly aıtyp, saıahat baǵytyn quryp, óz keńesterimen bólisýleri kerek. 45 esseniń arasynan M.Meşerıakovanyń Qazaqstandaǵy Qaıyńdy kóli - Tıan-Shan taýlary arasyndaǵy qaıyń ormany týraly jazǵan shyǵarmasy úzdik dep tanyldy.
M.Meşerıakova kórshi eldegi týrızm týraly Rım qalasynda magıstratýrada oqyp júrgende qazaqstandyq kórshisinen estigen. «Ol maǵan Qazaqstannyń tańǵajaıyp jerleri týraly áńgimeledi. Meniń qyzyǵýshylyǵym oıanyp, bir eldegi túrli mekendi óz kózimmen kórgim keldi jáne Qazaqstanǵa saıahattyń baǵytyn qurdym. Odan keıin «National Geographic Traveler» baıqaýyna qatysýdy jón kórdim. Onda Qaıyńdy kóli týraly esse jazdym», - degen M.Meşerıakova Qazaqstanda áli bolmaǵanyn, ózi essede kórikti jerlerge barýdy armandaıtynyn aıtty.
«Men ózim onda baryp kórgen joqpyn, biraq kúnderdiń kúninde sol tamasha ormanǵa baryp, snoýbordpen syrǵanaýdy armandaımyn. Bul da «ál-Dýbaı» sııaqty, biraq bul Qazaqstan - jaqyn ári ystyq», - dedi reseılik qyz.
