Qazaqstandaǵy qar basqan aýyldyń sýreti sheteldik BAQ betterinde jarııalandy
ASTANA. QazAqparat - Shyǵys Qazaqstan oblysynyń Prırechnoe aýylyndaǵy qardan qazylǵan tonnelder sheteldikterdi tańǵaldyrdy.
Strangesounds basylymy qalyń qar jamylǵysyn «aq apokalıpsıs» dep atady.
Qazgıdromet habarlaǵandaı, qar jamylǵysynyń bıiktigi ótken aptada bir táýliktiń ishinde 30 sm jetken.
Oblysta aqpan aıynda boran bolyp, úılerdiń shatyryna deıin qar basyp qalǵan. Joǵarydan tek tútin býdaqtaǵan murjalar ǵana kórinedi. Aýyl turǵyndary kóshege shyǵý úshin úıden tonnelder jasaýǵa májbúr bolǵan. Aýyldaǵy adamdar úılerdiń shatyrlary arqyly serýendeýde.
Aýyldyń beınesi sýrettelgen vıdeony Youtube jelisine Andreı Şetının esimdi qoldanýshy salǵan.
