Qazaqstandaǵy JTI kompanııasyna jańa basshy keldi
ALMATY. 3 tamyz. QazAqparat /Ádilet Musahaev/ - Djeı Tı Aı Qazaqstan, JT International S.A. kompanııasynyń Qazaqstandaǵy, Ortalyq Azııa men Mońǵolııadaǵy bólimshesi Lýıdjı Chervezatonyń Bas dırektor laýazymyna taǵaıyndalǵanyn habarlady.
Kompanııany oǵan deıin basqarǵan Tassos Sıtsas Shveıtsarııanyń Jeneva qalasyndaǵy bas keńsege Saýda belgiler boıynsha vıtse-prezıdent laýazymyna aýysqan.
Jańa qyzmettegi Chervızato myrzanyń bastapqy mindeti bolyp Djeı Tı Aı kompanııasynyń Ortalyq Azııa naryqtaryndaǵy pozıtsııasy men ataǵynyń nyǵaıýy bolyp tabylady. Jańa jetekshi marketıng, josparlaý men damý salasynda Fortunes 500 tizimine kiretin ataqty halyqaralyq kompanııalardyń túrli laýazymdarynda 20 jyldyq tájirıbe jınaǵan.
Lýıdjı Chervezato Djeı Tı Aı kompanııasyna 2009 jyly kommertsııalyq dırektor bolyp keldi. «Chervezato myrzanyń Ortalyq Azııa naryqtaryn bilýi men tutynýshy sektorynyń Procter&Gamble, Bacardi, Coca-Cola men British American Tobacco sııaqty kompanııalaryndaǵy jetekshilik tájirıbesi ony kompanııanyń keleshek damý suraqtaryn sheshýdegi taptyrmaıtyn maman etedi», -deıdi Tassos Sıtsas.
Djeı Tı Aı kompanııasyna deıin Lýıdjı Polshadaǵy Coca-Cola kompanııasynda aýyzsý jáne saýda bólimderiniń dırektory retinde qyzmet atqarǵan. Sonymen qatar, Lýıdjı menedjment salasynda (Vlaamse Ekonomishe Hogeschool, Brıýssel) jáne Bıznes boıynsha Ákimshilik júrgizý salasynda (Institut Catholique des Hautes Etudes Commerciales, Brıýssel) magıstrlik dárejesine ıe.
2007-2010 jyldar aralyǵynda Djeı Tı Aı kompanııasy Qazaqstannyń Ortalyq Azııadaǵy óndiristik jáne eksporttyq ortalyq retindegi naryq úlesin arttyrý úshin óz operatsııalaryna 46 mıllıon dollardan astam ınvestıtsııa jasaǵan. 2011 jyldyń qańtarynan bastap Djeı Tı Aı kompanııasynyń qazaqstandyq bóliminiń geografııasy Ózbekstan, Tájikstan men Túrikmenstannyń qosylýy arqasynda ulǵaıǵan.
JT International kompanııasy álemdegi temeki buıymdarynyń jetekshi óndirýshisi Japan Tobacco Inc. qurylymdyq bólimshesi bolyp tabylady. JTI álemge tanymal Winston, Mild Seven jáne Camel temeki saýda belgilerin óndiredi.
