Qazaqstandaǵy irimshiktiń 50 paıyzy ózge memleketterden ımporttalady

Bul týraly búgin Astanada bazarlardyń birin aralaý kezinde QR Aýyl sharýashylyǵy mınıstrliginiń hatshysy Evgenıı Aman málim etti.

 «Ókinishke oraı, Qazaqstandaǵy irimshiktiń 50 paıyzǵa jýyǵy ózge memleketterden ımporttalady. Sondyqtan otandyq irimshik óndirisin yntalandyrý qajet. Vedomstvo bul salany damytý baǵytynda birqatar baǵdarlamalardy qabyldaǵan bolatyn. Degenmen qazaqstandyq irimshik jasaýshylar sapaly shıkizattyń úlken tapshylyǵyn sezinýde. Elde irimshik jasaýǵa arnalǵan sapaly súttiń qajetti kólemi joq. Bul - atalmysh salanyń damýyna úlken tejeý bolyp otyr», - dedi ol.