Qazaqstandaǵy iri týrıstik kompanııa josparlanǵan barlyq týrlardyń kúshin joıdy
ASTANA. QazAqparat - Reseıdegi «Natalie-Tours» iri týrıstik operatordyń quramyna kiretin «Panorama Týr» kompanııasy 2018 jyldyń 4 shildesinen 30 qyrkúıegine deıingi barlyq saparlardyń kúshin joıdy. Bul týraly kompanııa saıtynda jarııalanǵan arnaıy málimdemede aıtyldy, dep habarlaıdy QazAqparat.
«Qurmetti áriptester men seriktester, qabyldaýshy seriktesterimizben aradaǵy keleńsiz jaǵdaılarǵa qatysty qazir, «Panorama Týr» kompanııasy týrıstik saparlar mindettemelerin oryndaýǵa kepildik bere almaıtynyn habarlaýǵa májbúrmiz. 2018 jyldyń 4 shildesinen bastap 2018 jyldyń 30 qyrkúıegine deıingi barlyq tapsyrystar men qyzmetterdiń kúshi joıylady», - delingen habarlamada.
Saıtta habarlanǵandaı, kompanııanyń operatsııalyq qyzmeti qalypty rejimde júzege asyrylady, al vızasy rásimdelip, turaqty reıs avıabıleti satyp alynǵan týrıster bul qyzmetti óz qalaýy boıynsha tolyq kólemde paıdalana alady.
