Qazaqstandaǵy iri tas joldar boıynda gaz quıý stantsııalary salynady
ASTANA. QazAqparat - "QazTransGaz" AQ transformatsııa jáne damý jónindegi bas dırektordyń orynbasary Erqanat Temirxanovtyń aıtýynsha, búginde kólik júrgizýshileri arasynda gazǵa degen suranys artyp keledi, dep xabarlaıdy QazAqparat tilshisi.
"Álbette, iri qalalarda kólikterdiń gazǵa aýysqany mańyzdy. Sonyń arqasynda qorshaǵan ortaǵa shyǵarylatyn zııandy qaldyqtardy barynsha azaıtýǵa bolady. Máselen, Almatyda biz shamamen 400 marshrýttyq avtobýsty gazǵa aýystyrdyq. Budan bólek, Aqtóbe, Shymkent sııaqty iri qalalarda jumys isteımiz. Ákimdiktermen aradaǵy naqy kelisim de bar. Olar gazben júretin avtobýstardy satyp alady. Biz bosaq, osy sanattaǵy kólikter úshin gaz quıý stantsııalaryn ornatamyz. Qazirgi kezde Aqtóbe 200 avtobýsty satyp alyp jatyr", - dedi Temirxanov búgin Astanadaǵy Energetıkany retteý organdary aımaqtyq qaýymdastyǵynyń (ERRA) kezekti konferentsııasynda.
Onyń sózine qaraǵanda, avtobýstarǵa arnalǵan gaz stantsııalaryn ornatý koreıalyq kompanııamen birlesip atqarylsa, "Batys Eýropa - Batys Qytaı" tas jolynda osy ispetti gaz stantsııalary reseılik "Gazprommen" birge ornatylady. "Biz trassanyń boıynda "A" núktesinen bastap "V"-ǵa deıingi aralyqta tolyǵymen gaz stantsııalaryn salatyn bolamyz", - dep atap kórsetti "QazTransGaz"-dyń ókili.
