Qazaqstandaǵy iri saýda dúkeninde shý shyqty
ALMATY. QazAqparat - Almatyda tutynýshylar Magnum saýda dúkeni tarazydan jeı bastaǵanyna narazylyq bildirip jatyr, habarlaıdy QazAqparat tilshisi.
Osy atalǵan jaıtqa baılanysty shýly vıdeo áleýmettik jelilerde tarap ketti. Beınekadrda er adam qaqtalǵan shujyqty tarazyǵa qoıyp, 150 gramm jetpeıtindigin anyqtaǵan.
«Aıgerim, mine qarańyz qaqtalǵan shujyq. 640 gramm dep tur syrtynda. Muny tarazyǵa qoıyp ólsheseńiz, 490 gramm bolyp shyqty. Bul ne? 200 gramm degen sumdyq qoı. Ne úshin isteısizder osylaı?», - dedi er adam.
«Bul sumdyq, magným jelisindegi taýardyń bárin tekserý kerek», - dedi vıdeo túsirip turǵan satyp alýshylar.
Saýda úıiniń qoǵammen baılanys qyzmetine resmı saýal joldandy. Ázirge jaýap bergen joq.
