Qazaqstandaǵy iri bıznestiń damý deńgeıi Reseıden 1,5 esege artyp otyr - «Ekspert RA - Qazaqstan» agenttigi
ASTANA. Qarashanyń 30-y. QazAqparat /Arman Asqarov/ - Bıyl Qazaqstannyń iri bıznes júzdigine kirgen kompanııalardyń damý deńgeıi saqtalady.
Al Reseıde bul kórsetkishter kúrt tómendeıdi. Búgin Astanada bastalǵan «Ekspert - 100 - Qazaqstan» atty ekonomıkalyq forýmy barysynda «Ekspert RA - Qazaqstan» reıtıngtik agenttiginiń bas dırektory Igor Nýjdın osylaı aıtty, dep habarlaıdy QazAqparat.
Agenttiktiń zertteýleri boıynsha «Ekspert - 100 - Qazaqstan» tizimine engen Qazaqstannyń 100 iri kompanııasynyń 2008 jyldaǵy taza tabysy 35 paıyzǵa ósti. Sońǵy 15 jylda Reseıde ondaı kórsetkishter baıqalǵan joq. Qazirdiń ózinde osy eldiń «Ekspert - 400» tizimine engen 400 iri kompanııanyń paıdasy 24 paıyzǵa ǵana artyp otyr. «Bul Qazaqstandaǵy iri bıznesti damytý deńgeıiniń Reseıden 1,5 esege artyp otyrǵandyǵyn kórsetse kerek. 2009 jyly Qazaqstannyń iri bıznes júzdigine kirgen kompanııalardyń damý deńgeıi saqtalady. Al Reseıde bul kórsetkishter kúrt tómendeıdi», deıdi I. Nýjdın.
