Qazaqstandaǵy iri bıznestiń 2010 jylǵy reıtıngi el ekonomıkasynyń daǵdarystyń tereń fa­za­synan shyqqanyn dáleldeıdi

Taratylǵan málimetterge qaraǵanda atalmysh reı­tıngke qatysýshy kompanııalardyń jı­naq­talǵan tabysy 13 trln. teńgeden asqan. Bul 2009 jylmen salystyrǵanda 25 paıyz­ǵa, 2007 jylmen salystyrǵanda 50 paıyzǵa artyq kórsetkish. Mundaı ósim qarqyny «Álem­niń eń qaýyrt damyǵan ekonomıkasy» dárejesin ıemdenýge múmkindik beredi. Ernst&Young málimetinshe, osy dárejeni ıemdenýshi memleketter arasynda birinshi orynda - Qatar, ekinshi orynda - Qytaı, úshinshi orynda Qazaqstan tur. Al ózimizde ulttyq ekonomıkanyń kósh­bas­shysy retinde «Samuryq-Qazyna» ult­tyq ál-aýqat qory dep tanyldy. Onyń taby­sy ótken jyly 3,6 trln teńgeni qu­ra­dy. Bul ótken jylmen salystyrǵanda 23,9 paıyzǵa kóp. Sonymen qatar alǵashqy on­dyq bıyl «ArselorMıttal Temirtaý» AQ (8- oryn) jáne «Qazmyrysh» JShS (10-oryn) sııaqty alyptarmen tolyqty. Ekonomıkanyń ózegi sanalatyn óner­kásip kompanııalary ótken jyly óz ta­by­syn 37,3 paıyzǵa ulǵaıtqan. Degen­men ósim­niń basty draıverleri dep óner­kásiptiń óndirýshi salasyn aıtý kerek. Ál­bet­te, oǵan álemdik naryqtaǵy munaı men metaldar baǵasynyń ósýi áser etkeni anyq. Reıtıngtegi barlyq kompanııalardyń jıyn­tyq tabysynyń shamamen 71 paıyzy munaı jáne taý-ken metallýrgııa kompa­nııa­lary úlesinde. Munaıshylardyń ta­bysy 34 paıyzǵa ósti. Elimizde óndiriletin búkil «qara altyn» kóleminiń jartysynan kóbi «Teńizshevroıl» men «Qazmunaıgaz» UK enshisinde. Ári olardyń úlesi jyl sanap ósip keledi. Al taý-ken metallýrgııa kom­pa­nııalary óz tabysyn byltyr 47,7 paıyzǵa arttyrdy. Sondaı-aq agroónerkásip keshenindegi tabys kólemi ótken jyly - 26,6 paıyzǵa, kólik - 24,3, telekommýnıkatsııa 16,1 paıyz­ǵa artty. Ázirge esin jınaı almaı otyrǵan qurylys salasy. Byltyrǵy jyly qurylys kompanııalarynyń tabysy 11,4 paıyzǵa tómendegen. 2007 jyldan beri osy qurylys salasyna baılanǵan iri bankterdiń de tabysy aıtarlyqtaı tómen­degeni belgili. Alaıda bul jaǵdaı ekinshi deńgeıli bankterdiń kóterilýine múmkindik berdi. Búgingi kúni olar turaqty ósimin saqtap otyr. Sońǵy tórt jyl ishinde ekinshi deńgeıli bankterdiń qarjy júıesindegi úlesi 8 paıyzdan 15 paıyzǵa ósken.