Qazaqstandaǵy Iran Elshiligi Táýelsizdik kúnin atap ótti
Saltanatty sharany ashqan Iran Islam Respýblıkasynyń Qazaqstandaǵy Tótenshe jáne Ókiletti Elshisi Modjtab Damırchılý óz sózin qazaq tilinde bastady.
«Qurmetti qonaqtar, sizderdi búgin qarsy alý men úshin zor qurmet. Sizderge Islam revolıýtsııasy jeńisiniń 39-shy jylyna arnalǵan saltanatty qabyldaýǵa qatysqandaryńyz úshin shynaıy rızashylyǵymdy bildiremin», - dep atap ótti Elshi.
Modjtab Damırchılý kórshiles eldermen, onyń ishinde Qazaqstanmen qarym-qatynasty damytý Irannyń syrtqy saıasatyndaǵy basty ustanymdardyń biri ekendigin basa aıtty. Sonymen qatar ol aǵymdaǵy jyldyń 29 qańtary Iran men Qazaqstan arasyndaǵy dıplomatııalyq qarym-qatynastyń ornaýyna 26 jyl jolýymen tuspa-tus kelgendigin atap ótti.
«Búginde bizdiń elderimizdiń arasyndaǵy qarym-qatynas ǵasyrlyq tarıhı, mádenı jáne dánı tamyrlastyqqa arqa súıeıdi», - deıdi Elshi.
Qazaqstan tarabynan QR Investıtsııalar jáne damý vıtse-mınıstri Tımýr Toqtabaev sóz sóılep, sońǵy 3 jyldyń kóleminde Qazaqstan men Iran arasyndaǵy saıası baılanystardyń jandana túskendigin erekshe atap ótti.
«Oǵan Prezıdentter men mınıstrlerdiń, sonymen qatar eki taraptyń da túrli deńgeıdegi delegatsııalarynyń bir-birine sapary dálel bola alady. Búginde eki eldiń arasynda saýda-ekonomıkalyq, aeroǵarysh jáne saıası yntymaqtastyq belsendi damý ústinde. Taıaý jáne Ortalyq Shyǵysta qýatty ekonomıkalyq áleýetke jáne geografııalyq turǵyda ońtaıly aımaqqa ornalasqan Iran Qazaqstannyń eń mańyzdy seriktesteriniń biri sanalady», - dedi ol.
