Qazaqstandaǵy ınternet-saýdanyń áleýeti zor - «Qazposhta» basshysy Sáken Sársenov

«Elektrondyq kommertsııa búgingi kúni búkil álem boıynsha jyldam damyp keledi. Buryn naryqtyń  negizgi qozǵaýshy kúshi AQSh bolsa, al búginde Qytaı qarqyn aldy. Qazirdiń ózinde álemdegi elektrondyq kommertsııa naryǵynyń jyl saıynǵy ósýi 30%-ǵa jetti, Qazaqstanda - 25%, jáne ósimniń negizgi draıverleriniń biri retinde Qytaı ınternet-alańdary bolyp otyr», - dedi óz sózinde Qazposhta basshysy Saken Sarsenov

«Qazposhta» basshysynyń aıtýynsha, jahandyq elektrondyq kommertsııanyń kólemi 2 trln. AQSh dollaryna jetken. Eger qazir álemde 3,2 mlrd. adam ınternet qoldanatyn bolsa, onyń jartysy (1,6 mlrd. adam) onlaın saýda jasaıdy.

Al, Qazaqstandaǵy elektrondyq kommertsııa naryǵynyń kólemi 2016 jylǵy qorytyndy boıynsha 157 mlrd. teńge boldy. Bul degenimiz bólshek saýda kóleminiń 2,6% nemese QR-nyń JІÓ-niń 0,32%-na teń.

«Búginde elimizde elektrondyq saýdanyń jumys isteýi úshin bazalyq júıe jaqsy damyǵan: 200-den astam ınternet-dúkeni, 70-ten astam logıstıkalyq kompanııa jumys jasaıdy, túrli tólem quraldary da bar. Qazaqstanda turǵyndardyń 72% ınternetti qoldanady, al ınternet-dúkenderden olardyń tek 6% ǵana saýda jasaıdy. Bul derekter bizdiń elimizde elektrondyq saýdany ósirý úshin orasan zor áleýet bar ekenin kórsetedi», - dedi Sársenov.

Qazposhta basshysy Qazaqstannyń tranzıttik áleýetin de tilge tıek etti.

Onyń aıtýynsha, Qazaqstannyń  Qytaı men Eýropa arasynda ornalasýynyń ózi elimizdiń tranzıttik áleýetin arttyra túsedi.

«Alıekspress taratqan aqparatqa sáıkes, 2020 jylǵa qaraı Qytaıdan Reseıge jylyna - 576 mln, Kytaıdan Eýropaǵa - 250 mln, Al Eýropadan Qytaıǵa 800 mln sálemdeme jiberiletin bolady. Bunyń barlyǵy Qazaqstan arqyly ótedi. Byltyr Qazaqstan arqyly 10 mln sálemdeme ótedi, Bıyl 8 aıda 15 mln. sálemdeme Reseıge jiberildi. Teńizben tym uzaq, ushaqpen tym qymbat, Qazaqstan arqyly ótetin temirjol eń qysqa, ári tıimdi jol dep qytaılyqtardyń ózi aıtady», - dedi S.Sársenov.

Qazaqstandaǵy kiris poshtanyń jalpy kóleminde qytaılyq sálemdemelerdiń úlesi jyldan jylǵa artyp keledi jáne bul kúni 60%-dan asady. Qazirdiń ózinde Qazaqstanǵa shetelden kúnine 20,4 myńnan astam sálemdeme jetkiziledi, jáne Qazaqstan ishinde kúnine 12,4 myń sálemdeme, 2020 jylǵa qaraı naryq kúnine 300 myń sálemdemege deıin artpaq.

Sondaı-aq qazaqstandyqtar shetelderden Alıekspress, Amazon, Ibeı sııaqty ınternet-dúkenderden belsendi túrde saýda jasaıdy. Sálemdemelerdi jetkizý merzimderin Qazaqstan boıynsha 15 kúnnen 6 kúnge, basqa elderden 45 kúnnen 18 kúnge deıin qysqartý týraly «Qazposhta»AQ jobalary da ósimge áser etedi.

Sonymen qatar kompanııa bólimsheler men suryptaý ortalyqtaryn jańartty jáne avtomattandyrdy, 74 sálemdeme sýpermarketin iske qosty, 130 postamat ornatty. Bulardyń bári qyzmettiń tıimdiligin artyrýǵa jáne turǵyndar men bıznes úshin logıstıkalyq qyzmetter qunyn tómendetýge múmkindik týǵyzdy.

Tranzıttik jobalarǵa qatysý úshin jáne jalpy alǵanda Qazaqstannyń tranzıttik áleýetin damytý úshin, kompanııa Qytaıdan Eýropaǵa jáne keri qaraı Qazaqstan aýmaǵy arqyly ótetin tranzıttik jóneltimderge arnalǵan habtardy iske qosty.

Bul jobalar Qytaıdan, Reseıge jáne Eýropaǵa barlyq tranzıttik kólemderdiń 20 %-dan astamyn Qazaqstan arqyly ótkizýge múmkindik beredi.