Qazaqstandaǵy ınflıatsııa mamyrda 14 paıyzǵa deıin ulǵaıdy
«2022 jylǵy mamyrda Qazaqstandaǵy ınflıatsııa jyldyq mánde bıylǵy sáýirde 13,2 paıyzdan 14 paıyzǵa deıin qarqyn aldy. Aılyq ınflıatsııa sáýirdegi 2 jáne naýryzdaǵy 3,7 paıyzǵa qaraǵanda, mamyrda 1,4 paıyzǵa baıaýlady. Biraq áli de joǵary jáne ótken jylǵy kórsetkishter men ortasha jyldyq mánderden asyp otyr. Aılyq ınflıatsııanyń baıaýlaý qarqyny bir jaǵynan oń fıskaldyq ımpýls aıasyndaǵy turaqty ishki suranysty, ekinshi jaǵynan joǵary ınflıatsııalyq kútýlerdi kórsetedi», - dedi Ulttyq bank tóraǵasy.
Onyń aıtýynsha, jyldyq mánde 19 paıyzǵa jetken tamaq ónimderi baǵasynyń ósýi ınflıatsııaǵa eń kóp úles qosyp otyr.
«Syrtqy ınflıatsııalyq jaǵdaı azyq-túlikke jatpaıtyn taýarlardyń baǵasyna joǵary qysym kórsetýde, olardyń ósýi 11,1-den 11,9 paıyzǵa deıin qarqyn aldy. Aqyly qyzmetterdiń ınflıatsııasy retteletin qyzmetter baǵasynyń ósýine engizilgen moratorııdiń tejeýshi áserine qaramastan 8,9-dan 9,1 paıyzǵa deıin ósti», - dedi Ǵalymjan Pirmatov.