Qazaqstandaǵy ınflıatsııa deńgeıi tamyzda 0,2%, al jyl basynan beri 3% quraǵan

Ótken aıda azyq-túlik taýarlary – 0,1%, azyq-túlikke jatpaıtyn taýarlar – 0,4% qymbattaǵan, al aqyly qyzmetter baǵasy – 0,1% kóterildi.

Jyl basynan beri 1 qyrkúıektegi  jaǵdaı boıynsha, azyq-túlik taýarlarynyń baǵasy 6,1%, azyq-túlikke jatpaıtyn taýarlardyń baǵasy 2,9% ósti, aqyly qyzmetter 0,6% arzandady.

Jyl basynan beri tary 48,2%, kúrish 20,5%, un - 16%, qoı eti 12,7%, muzdatylǵan balyq – 11,2%, sıyr eti 10,6%, jylqy eti 10,1%, nan 9,4%, qus eti  8,7%, makaron ónimderi 8,4%, shoshqa eti 8%, máıek irimshigi 6,7%, et ónimderi  6,5%, bólke jáne unnan jasalǵan ónimder 5,7%, sháı 5,3%, shujyq ónimderi 5,1%, kondıterlik ónimder 4,2%, jemister men kókónister 4,1% qymbattaǵan.

Temeki ónimderi 10,3%, salqyndatýshy sýsyndar 9,6%, alkogoldi ishimdikter 5,9% qymbattady. Jumyrtqa 6,5%, túıirshiktelgen qant – 5,2%, sút – 5%, súzbe 2,3%, qaraqumyq – 1,6% arzandaǵan. 

Oqý-anyqtamalyq quraldar 6,3%, balalar aıaq kıimi 6,2%, keńse taýarlary 5,5%, farmatsevtıkalyq ónimder 5%, qurylys materıaldary 4,9%, balalar kıimi 4,4%, turmystyq quraldar 4,2%, jıhaz jáne turmystyq zattar 4,1%, toqyma buıymdary 4%, jýǵysh jáne tazalaǵysh zattar 3,6%, oqýshylar sómkesi 3% qymbattaǵan.

Benzın 4,5%, dızel otyny, ballondardaǵy suıytylǵan gaz 0,9% arzandaǵan.

Turǵyn úı-kommýnaldyq sharýashylyq salasynda ortalyqtan jylytý tarıfteri 11%, ystyq sý 10,1%, sýyq sý 7,8%, káriz jelilerin paıdalaný 7,2%, elektr qýaty 5,6%, qoqys jınaý 3,6%, tasymaldanatyn gaz tarıfteri 4,4% tómendegen.

Sanatorıı qyzmetteri 10,1%, zańgerlik qyzmetter jáne jeke kólik quraldaryn saqtandyrý 5%, medıtsınalyq qyzmetter - 4,5%, ekskýrsııalar men demalys oryndaryna barý 4,6%, qoǵamdyq tamaqtaný, shashtaraz jáne jeke qyzmet kórsetý oryndary 3,8% qymbattaǵan.