Qazaqstandaǵy ınflıatsııa deńgeıi shildede 0,2%, al jyl basynan beri - 2,8% quraǵan

Ótken aıda azyq-túlik taýarlary - 0,1%, azyq-túlikke jatpaıtyn taýarlar - 0,3%, al aqyly qyzmetter baǵasy - 0,1% qymbattaǵan.

Jyl basynan 1 tamyz aralyǵyndaǵy jaǵdaı boıynsha, azyq-túlik taýarlarynyń baǵasy 6%-ǵa, azyq-túlikke jatpaıtyn taýarlardyń baǵasy 2,4%-ǵa ósti, aqyly qyzmetter 0,7%-ǵa arzandady.

Jyl basynan beri tary - 43,9%, kúrish - 15,7%, un - 15,4%, qoı eti - 11,1%, muzdatylǵan balyq - 9,7%, nan - 9%, jemister men kókónister - 8,9%, jylqy eti - 8,8%, makaron ónimderi - 7,9%, sıyr eti - 7,4%, qus, shoshqa eti - 6,8%, irimshik - 6,2%, et ónimderi - 5,7%, bólke jáne unnan jasalǵan ónimder - 5,2%, shujyq - 4,4%, shaı - 4,3%, kondıterlik ónimder - 3,7%-ǵa qymbattaǵan.

Temeki ónimderi 10%, alkogolsiz sýsyndar 8,9%, alkogoldi ishimdikter 5,6%-ǵa qymbattady. Qııar - 56,2%, qyzanaq - 28,7%, qyryqqabat - 14,5%, jumyrtqa - 12,1%, sút - 4,6%, túıirshiktelgen qant - 2,7%, súzbe - 2,4%,qaraqumyq - 2%-ǵa arzandaǵan.

Farmatsevtıkalyq ónimderdiń baǵasy 4,9%-ǵa ósken. Sondaı-aq, avtomobılder - 4,8%, qurylys materıaldary - 4,5%, jıhaz jáne turmystyq zattar - 3,8%, toqyma buıymdary - 3,7%, turmystyq tehnıka - 3, 6%, kıim jáne aıaq kıim - 3,5%, jeke zattar - 3,3%, jýǵysh jáne tazalaǵysh zattar - 3,2%-ǵa qymbattaǵan.

Benzın - 4,6%, dızel otyny - 1,2%, ballondardaǵy suıytylǵan gaz - 0,9%-ǵa arzandaǵan.

Turǵyn úı-kommýnaldyq sharýashylyq salasynda ortalyqtan jylytý tarıfteri - 11%, ystyq sý - 10,1%, sýyq sý - 7,8%, káriz jelilerin paıdalaný - 7,2%, elektr qýaty - 5,6%, qoqys jınaý - 3,6%, tasymaldanatyn gaz tarıfteri - 4,1%-ǵa tómendegen.

Sanatorıı qyzmetteri - 9,9%, zańgerlik qyzmetter jáne jeke kólik quraldaryn saqtandyrý - 5%, medıtsınalyq qyzmetter - 4,2%, ekskýrsııalar men demalys oryndaryna barý - 3,7%, qoǵamdyq tamaqtaný qyzmetteri - 3,5%, shashtaraz jáne jeke qyzmet kórsetý oryndary - 3,3%, qonaq úı qyzmeti - 2,2%-ǵa qymbattaǵan.

Avtor: Ashat Ahmetbekov