Qazaqstandaǵy halyq sany 17 mıllıon 98 myń adamdy qurady - Á. Smaıylov
ASTANA. 14 qarasha. QazAqparat - Bıylǵy 1 qazandaǵy jaǵdaı boıynsha Qazaqstandaǵy halyq sany 17 mıllıon 98 myń adamdy qurady. Bul týraly búgin Astanada ótken baspasóz máslıhatynda QR Statıstıka agenttiginiń basshysy Álıhan Smaıylov málim etti.
Onyń sózine qaraǵanda, qańtar-qyrkúıekte halyq sany 188 myń adamǵa nemese 1,1 paıyzǵa ósti. Jalpy ótken toǵyz aıdyń ishinde AHAT organdarynda 293 myń týylǵandar tirkeldi. Bul ótken jyldyń sáıkes kezeńimen salystarǵanda 1,6 paıyzǵa artyq. Budan bólek, qaıtys bolǵandar sany 103 myń adamdy qurady nemese byltyrǵy tıisti kezeńge qaraǵanda 4 paıyzǵa kem. «2013 jylǵy qańtar-qyrkúıekte AHAT organdarynda tirkelgen neke sany 2,1 paıyzǵa artty, ıaǵnı 125 myń neke qıyldy. Al ajyrasýlar sany 38 myńdy qurady jáne 6 paıyzǵa ósti»,-dedi agenttik basshysy.
