Qazaqstandaǵy halqy eń jas óńirler belgili boldy
ASTANA. QazAqparat - Qazaqstanda 2022 jyly qartaıý ındeksi 28,2 qurady, osylaısha kórsetkish bir jyl ishinde 1,6 paıyzdyq tarmaqqa ósti (26,6 – 2021 j.). Bul degenimiz 0 men 15 jas aralyǵyndaǵy árbir 100 balaǵa 65 jastan asqan 28,2 qarııadan keledi.
Bul týraly QazAqparat Ulttyq statıstıka bıýrosynyń málimetterine silteme jasap habarlaıdy.
Óńirler bólinisinde eń joǵary ındeks ShQO-da – 56,9, odan keıin Soltústik Qazaqstan – 56,3 jáne Qostanaı oblystary – 48,9 tur.
Bul rette, halqy eń jas óńir – Mańǵystaý oblysy, sońǵy 10 jyldan beri onda týý kórsetkishiniń eń joǵary koeffıtsıenti tirkelip otyr. Onda 100 balaǵa 65 jastan asqan 10,8 qarttan keledi. Sondaı-aq qartaıýdyń tómen ındeksi Túrkistan oblysynda – 11,3 jáne Shymkent qalasynda –11,7.
Qalalyq jerlerde qartaıý ındeksi aýyldy jerge qaraǵanda joǵary, sáıkesinshe 30,7 jáne 24,5.
