Qazaqstandaǵy ǵylymı qyzmetkerler sany 24 myńǵa jaqyndap qaldy
ASTANA. QazAqparat - Qazaqstandaǵy ǵylymı qyzmetkerler sany 24 myńǵa jaqyndap qaldy. Bul týraly búgin QR Parlamenti Senaty «Óńir» depýtattyq tobynyń otyrysynda QR Premer-Mınıstriniń orynbasary Gúlshara Ábdiqalyqova aıtty.
«Ǵylym týraly» Zańda ǵylymdy basqarýdyń jańa modeli men qarjylandyrýdyń jańa úlgisi aldyńǵy qatarly halyqaralyq tájirıbege barynsha beıimdelgen. Ǵylymdy qarjylanjyrý túbegeıli ósti. Ol 2013 jylǵy 20 mlrd. teńgeden 2013 jylyǵy 53 mlrd. teńgege deıin, ıaǵnı, shamamen 2,5 esege deıin artty. Budan ary «Qazaqstan - 2050» strategııasyna sáıkes kezeń-kezeńmen arttyrý jolymen ǵylymdy qarjylandyrýdy JІÓ-niń 3 paıyzyna deıin jetkizý josparlanýda», - dedi ol.
Onyń atap ótýinshe, memleket tarapynan ǵylymǵa kórsetilip otyrǵan qamqorlyqtyń nátıjesinde kadrlardy qamtamasyz etýdegi turaqtylyq baıqalady ári ǵylymı qyzmetkerleriniń sany da turaqty artyp keledi.
«Máselen, 2009 jyly 15,8 myń ǵylymı qyzmetker bolsa, qazirgi ýaqytta olardyń 23,7 myń adamǵa jetti. Jastardyń da ǵylymǵa bet burýy artyp keledi. Atap aıtqanda, 35 jasqa deıingi ǵalymdar úlesi 38 paıyzǵa, 45 jasqa deıingi ǵalymdar úlesi 56 paıyzǵa deıin kóbeıdi», - dedi G.Ábdiqalyqova.
