Qazaqstandaǵy Germanııa elshisi Raıner Shlageter EUÝ stýdentteri aldynda dáris oqıdy
ASTANA. 8 naýryz. QazAqparat. 9 naýryz kúni Lev Gýmılev atyndaǵy Eýrazııa ulttyq ýnıversıtetinde Qazaqstandaǵy Germanııa elshisi Raıner Shlageter «EO jáne EUÝ dostastyq kópiri» jobasy aıasynda «Germanııa men Qazaqstan arasyndaǵy qarym-qatynas - tarıhy, jetistikteri men deńgeıi» atty taqyrypta dáris oqıdy.
Elshi Raıner Shlageteróz dárisinde saıasattan bastap, ekonomıka, saýda, «qoǵamdyq dıplomatııa» men mádenıetke deıingi aralyqtaǵy san saýalǵa jaýap beredi.
Esterińizge sala keteıik, jobanyń alǵashqy bólimin saltanatty túrde ótken jyldyń 24 qarashasy kúni Qazaqstan Respýblıkasyndaǵy Eýroodaq elshisi Norber Jýsten myrza bastap bergen bolatyn. Búginde «EO jáne EUÝ dostastyq kópiri» atty jobaǵa qatysýǵa Fınlıandııa, Chehııa Respýblıkasy, Shvetsııa, Vengrııa, Ulybrıtanııa, Rýmynııa, Lıtva, Frantsııa, Italııa, Nıderlandy, Belgııa, Polsha memleketteriniń elshileri nıetterin bildirip otyr. Eýroodaq memleketteriniń túrli salalary boıynsha oqıtyn mártebeli elshilerdiń dáristeri oqý jylynyń sońyna deıin (2010-2011) jalǵasady.
Oqý ornynyń oqytýshy-professorlar quramy, stýdentter men magıstranttar, doktoranttar ózderin qyzyqtyrǵan saýaldaryn elshilerge qoıýǵa múmkindikteri bar. Al elshilerdiń dárisinen alynǵan qundy aqparattar bolashaqta kóptegen ǵylymı jumystarǵa arqaý bola alady.
