Qazaqstandaǵy fýtbolsúıer ákimderdiń kim ekeni anyqtaldy
ASTANA. QazAqparat - Qazaqstannyń kásipqoı fýtbol lıgasy 2017 jyldyń úsh úzdik fýtbolsúıer ákimderiniń atyn atady, dep habarlaıdy Qazaqparat QFF-nyń baspasóz qyzmetine silteme jasap.
Atyraý qalasynyń fýtbol klýbyn qoldaǵany jáne jankúıerlermen tyǵyz qarym-qatynas jasaǵany úshin Atyraý oblysynyń basshysy Nurlan Noǵaev atalǵan nomınatsııa boıynsha jeńimpaz atandy. Premer-lıgada «munaıshylar» komandasy segizinshi oryndy ıelengen bolatyn.
Óńirdi Premer-lıganyń qataryna qaıtarǵany jáne fýtbolǵa degen erekshe yqylasy úshin Soltústik Qazaqstan oblysynyń ákimi Qumar Aqsaqalov úzdik dep tanyldy. Toǵyz jyl ótkennen keıin Petropavlovdyń «Qyzyljar SQ» klýby Qazaqstan chempıonatynyń úzdik dıvızıonyna oraldy.
Infraqurylymǵa aıryqsha qamqorlyq jasap, bir klýbtardyń qurylymyndaǵy úsh quramany qoldaǵany úshin Qyzylorda oblysynyń ákimi Qyrymbek Kósherbaev nomınatsııa laýreaty atandy. Premer-lıgaǵa jańadan kelgen Qyzylorda qalasynyń «Qaısar» komandasy 2017 jyldyń chempıonatynda altynshy orynǵa taban tiredi. Klýb qurylymyndaǵy «Baıqońyr» jáne «Qaısar M» quramalary Qyzylorda oblysynyń atynan birinshi jáne ekinshi lıga chempıonattarynda laıyqty óner kórsetip júr.
