Qazaqstandaǵy etnostyq quramy áralýan óńir birlik pen kelisimniń jarqyn úlgisin kórsetip otyr - QHA
TÚRKІSTAN. QazAqparat - 29 qyrkúıekte Túrkistan oblysyna issapary aıasynda Qazaqstan halqy Assambleıasy Tóraǵasynyń orynbasary M.Ázilhanov jáne Qazaqstan Respýblıkasy Aqparat jáne qoǵamdyq damý mınıstrligi Etnosaralyq qatynastardy damytý komıtetiniń tóraǵasy Ǵ. Shoıkın oblystaǵy birqatar aýdandardyń ókilderimen kezdesý ótkizdi, dep habarlaıdy QazAqparat.
Qazyǵurt aýdanynyń Qazyǵurt aýylynda M.Ázilhanov jáne Ǵ.Shoıkın Qazyǵurt, Saryaǵash, Tólebı, Keles, Jetisaı, Maqtaaral, Shardara aýdandarynyń jáne Arys qalasynyń etnomádenı birlestikteri ókilderimen kezdesti.
M.Ázilhanov Táýelsizdiktiń 30 jyldyǵy Assambleıa jumysynda úlken ózgerister bolǵan jylmen tuspa-tus kelgenin atap ótti. Qazaqstannyń Tuńǵysh Prezıdenti – Elbasy Nursultan Ábishuly Nazarbaev Assambleıanyń Qurmetti Tóraǵasy bolyp, ony basqarý quqyǵyn Qazaqstan Respýblıkasynyń Prezıdenti Qasym-Jomart Kemeluly Toqaevqa tapsyrdy. Memleket basshysy Qazaqstannyń kópetnosty halqyn bolashaǵy birtutas ultqa biriktirý – etnosaralyq qatynastar salasyndaǵy basty mindet ekenine aıryqsha nazar aýdardy.
Kezdesýde etnosaralyq turaqtylyqty nyǵaıtý salasyndaǵy jumystyń tıimdiligin odan ári arttyrý máseleleri talqylandy. «Bizge túrli etnostar ókilderiniń arasynda qazaqstandyq azamattyq biregeılikti nyǵaıtý, etnosaralyq ózara is-qımyldyń keń kommýnıkatsııalyq alańdaryn qalyptastyrý boıynsha nysanaly birlesken jumys qajet», - dep atap ótti M.Ázilhanov.
QR Aqparat jáne qoǵamdyq damý mınıstrligi Etnosaralyq qatynastardy damytý komıtetiniń tóraǵasy Ǵ. Shoıkın memlekettik qyzmetshilerdiń jumysyna jáne olardyń eldegi etnosaralyq turaqtylyqty nyǵaıtýdaǵy róline, memlekettik organdardyń etnosaralyq kelisimdi qamtamasyz etý salasyndaǵy jumysyn jetildirý máselelerine, atalǵan jaǵdaıǵa sapaly taldaý jáne monıtorıng júrgizý qajettigine, halyqpen aýqymdy aqparattyq jáne aqparattyq-túsindirý jumysyn uıymdastyrýǵa nazar aýdardy.
Kezdesýde jastardy ıntegratsııa rýhynda tárbıeleý, memlekettik tildi meńgerý, basqa mádenıetter men dástúrler ókilderimen ózara is-qımyl jasaýǵa beıildilik tanytý qajettiligi atap ótildi. Bul baǵytta Assambleıanyń barlyq qurylymdary, Analar keńesteri, Qoǵamdyq kelisim keńesteri, jastar uıymdary etnosaralyq kommýnıkatsııa alańy retinde jumys isteýi tıis.
Túrkistan oblysy halqynyń quramy sanalýandyǵymen erekshelenedi, óńirde 50-den astam etnos pen etnostyq top ókilderi turady.
Oblysta 11 etnomádenı birlestik (ózbek, slavıan, túrik, kúrd, ıran, tájik, sheshen-ıngýsh, tatar-bashqurt, ázerbaıjan, grek, «Yntymaq» etnosaralyq etnomádenı birlestigi) bar, aýdandar men qalalarda 7 fılıal jáne 14 ókildik jumys isteıdi.
Qatysýshylardyń pikiri boıynsha mundaı kezdesýlerdi jıi uıymdastrylýy Qazaqstan halqynyń birligi men yntymaǵyn nyǵaıtýǵa septigin tıgizedi.
