Qazaqstandaǵy Etno-mádenı birlestikterdiń jas ókilderi Elbasynyń ókilettigin 2020 jylǵa deıin uzartýdy qoldaıdy
Búgin Astanada Qazaqstan - 2020 demokratııalyq kúshter jalpyulttyq koalıtsııasyn qoldaý maqsatynda ótken «Jastar el birligi úshin» konferentsııasy kezinde etno-mádenı birlestikterdiń jastar qanattarynyń ókilderi Qazaqstan jastaryna úndeý jarııalady.
«Qazaqstan halqynyń dostastyǵy - eń úlken ıgilik, barlyq jetistikterimiz ben ózgeristerimizdiń negizi. Búgingi kúni qoǵam turaqtylyǵynyń arqasynda ekonomıkamyzdyń ósýine sebepker bolyp, qoǵamnyń áleýmettik máselelerin naqty sheship jatyrmyz. Ultaralyq kelisim- Qazaqstan jetistiginiń mańyzdy quramdas bóligi bolyp tabylady»,-dedi Astanadaǵy Uıǵyr mádenıeti ortalyǵynyń jas ókili Nurǵızam Mahmudova úndeý mátinin oqý barysynda.
«Bizdiń mindetimiz, jastardyń mindeti - eldegi turaqtylyqty, ózara túsinýshilikti, tynyshtyqty saqtyp, odan ári ulǵaıtý. Kóptegen elderdiń arasynda alǵa shyqqan týǵan jerimiz - Qazaqstanymyz ben elimizdiń damýy men órkendeýine baǵa jetpes úlesin qosqan Elbasymyzdy maqtan tutamyz. Aldaryna qoıylǵan mindetteri ortaq Qazaqstannyń barlyq jastaryna birigip, Prezıdentimiz N.Á.Nazarbaevtyń ókilettigin 2020 jylǵa deıin uzartýdy qoldaýǵa shaqyramyz»,-delingen úndeýde.
