Qazaqstandaǵy eski kólikterdi eshkim de tartyp almaıdy - Albert Raý
ASTANA. QazAqparat - Qazaqstandaǵy eski kólikter qoldanystan alynbaıdy. Bul týraly búgin Qazaqstan mashına jasaýshylarynyń úshinshi forýmynda barysynda Investıtsııalar jáne damý vıtse-mınıstri Albert Raý málim etti.
«Men kólikterdiń ýtılızatsııasy bolatynyn aıtqan kezde, bireýler halyqtan mashınalardy alyp qoıady degen qaýesetti taratqan kórinedi»,-dep toqtaldy mınıstrdiń orynbasary.
Onyń sózine qaraǵanda, jaramsyz eski kólikterdi ıeleri jol-patrýldik polıtsııasynan tirkeýinen shyǵarǵannan keıin mashınalardy qaıda jiberetindigin eshkim de bilmeıdi. Olar ár jerde shashylyp jatqandyqtan, ekologııany lastaıdy.
«Sondyqtan da bul avtokólikterdi mindetti túrde ýtılızatsııaǵa jiberý kerektigi túsindirildi. Al bireýler eski kólikterdi tartyp alady degen qaýesetti taratyp otyr. Árıne, bundaıǵa jol berilmeıtini anyq»,-dep túsindirdi A. Raý.
