Qazaqstandaǵy esirtki jaǵdaıynyń 2012 jylǵy ulttyq esebi tanystyryldy, eldegi nashaqorlar sany 30 paıyzǵa azaıdy
Atalmysh qujatty Eýroodaqtyń Ortalyq Azııada esirtkiniń taralýyn toqtatý boıynsha baǵdarlamasy sheńberinde (CADAP) oqytylǵan qazaqstandyq sarapshylar jasady.
Eseptiń maqsat-mindetterimen tanystyrǵan Nashaqorlyqtyń medıtsınalyq-áleýmettik máseleleri jónindegi respýblıkalyq ǵylymı-tájirıbelik ortalyǵynyń sarapshysy, ulttyq eseptiń bas redaktory Oleg ıÝsopovtyń aıtýynsha, atalmysh qujatta eldegi esirtki men oǵan qatysty qalyptasqan jaǵdaı jan-jaqty saralanyp kórsetilgen. Qujat kúsh-qýat qurylymdaryna ǵana emes, memlekettik organdar úshin de daıyndalǵan.
«Atalmysh qujat Qazaqstanda alǵash ret qazaq, orys jáne aǵylshyn tilderinde jarııalanyp otyr. Halyqaralyq standarttarǵa saı qurastyrylǵan esep eldegi esirtki jaǵdaıyna qatysty barlyq resmı málimetterdi qamtyp otyr», - deıdi ol.
Esepte kórsetilgenindeı, Qazaqstan 2012 jyly esirtki bıznesine qarsy saıasatty júzege asyrýǵa respýblıkalyq bıýdjetten 15 mıllıard teńge bóldi. Zertteý málimetterine qaraǵanda, elde nashaqor retinde esepke alynǵandardyń sany jyl sanap tómendep keledi. Jastar arasyndaǵy nashaqorlyqtyń deńgeıi de tómendedi. Eger 2010 jyly Qazaqstanda dıspanserlik esepte 32 myńnan astam nashaqor turǵan bolsa, 2011 jyly olardyń sany 30 myńǵa deıin tómendegen.
