Qazaqstandaǵy epızotıkalyq jaǵdaı turaqty - QR AShM

ASTANA. QazAqparat - Qazaqstannyń mal sharýashylyǵy boıynsha asa qaýipti aýrýlarǵa qatysty epızotıkalyq jaǵdaı turaqty. Bul týraly búgin QR Premer-Mınıstriniń orynbasary-Aýyl sharýashylyǵy mınıstri Asqar Myrzahmetov Almaty oblysyndaǵy eseptik kezdesýinde málim etti.

«Mal sharýashylyǵynda kezdesetin asa qaýipti aýrýlar boıynsha elimizdegi epızootıkalyq jaǵdaı turaqty. 2015 jyldyń basynan maldyń asa qaýipti aýrýlaryna baılanysty 247 oshaǵy tirkelgen. Osy tirkelgen 247 oshaqtyń 224-isi joıyldy jáne jergilikti atqarýshy organdardyń sheshimimen jabyldy. Qalǵan 23 jaǵdaı boıynsha nusqaýlyqtarǵa sáıkes veterınarlyq-karantındik is-sharalar atqarylýda», - dedi A.Myrzahmetov.
Mınıstrdiń aıtýynsha, byltyrǵy jyl qorytyndysy boıynsha aýyl sharýashylyǵdaǵy mal sany kóbeıdi. Genofondtyń birtindep jaqsarýy men mal sharýashylyǵy ónimdiliginiń artýy baıqalýda. Nátıjesinde, 2015 jyly 16 myń tonnadan astam et pen et ónimderi, onyń ishinde 6,4 myń tonna tońazytylǵan sıyr eti eksporttalǵan.