«Qazaqstandaǵy energııa jınaqtaý» jobasy aıasynda 25 myń jylý energııasyn esepteý quraly iske asyryldy
ALMATY. Maýsymnyń 28-i. QazAqparat /Erlik Erjanuly/ - Qazaqstandaǵy jylý esepteý júıesindegi birden-bir óndirýshi sanalatyn «Dasý» AQ «Qazaqstandaǵy energııa jınaqtaý» jobasy aıasynda 25 myń jylý energııasyn esepteý jabdyǵyn júzege asyrdy,
dep habarlaıdy QazAqparat kompanııanyń baspasóz qyzmetine silteme jasap.
Sońǵy jyldary bul baǵytta kóp nárse jasaldy, alaıda aldymyzda jasalýǵa tıisti ister odan da kóp. Ókinishke oraı el turǵyndarynyń kópshiligi áli energııa jáne jylý jınaqtaý quraldarynynyń qundylyǵyn bilmeıdi nemese túsinbeıdi. Energııany saqtaý arqyly biz ony tek únemdep qana qoımaı, tabıǵat resýrstaryn da saqtaımyz», deıdi «Dasý» AQ-nyń satý departamentiniń dırektory Muhtar Begmanov. Aktsıonerlik qoǵam 2008 jyldyń aqpan aıynda Parlamentke «Qazaqstandaǵy energııa jınaqtaý» jobasy tujyrymdamasyn usynyp, ol qoldaý tapqan bolatyn. Onda búkil Qazaqstan boıynsha jalpyúılik jylý esepteý júıesin, jylý retteý júıesin, al páterlerge ystyq jáne sýyq sýdy esepteý quraldaryn ornatý josparlanǵan edi.
