Qazaqstandaǵy eńbekaqy ósimi qalypty - Tımýr Súleımenov

ASTANA. QazAqparat - Qazaqstanda eńbekaqy qalypty qarqynmen ósýde. Bul týraly búgin Úkimet otyrysynda qańtar-maýsymdaǵy elimizdiń áleýmettik-ekonomıkalyq damý qorytyndylary jaıynda baıandaǵan QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat tilshisi.

Mınıstrdiń dereginshe, joǵary óndiristik belsendilik eńbek naryǵynyń kórsetkishterine oń áser etti. Aǵymdaǵy jyldyń basynan beri 178,7 myń adam jumysqa ornalastyryldy. Aǵymdaǵy jylǵy mamyrda jumyssyzdyq deńgeıi ózgerissiz qaldy jáne 4,9 paıyzdy qurady.

«Eńbekaqy qalypty qarqynmen ósýde. Aǵymdaǵy jylǵy qańtar-mamyrda ortasha aılyq eńbekaqy 152,8 myń teńgeni qurady jáne naqty máninde 0,8 paıyzǵa ósti. Aǵymdaǵy jyldyń qańtar-sáýirinde naqty aqshalaı kirister 1,2 artty ósti», - dedi Tımýr Súleımenov.