Qazaqstandaǵy eń jas jáne eń egde ákim qaı óńirlerdi basqaryp otyr

NUR-SULTAN. QazAqparat – Ranking.kz analıtıka kompanııasy elimizdegi oblystardy, respýblıkalyq mańyzy bar qalalardy basqaryp otyrǵan ákimderdiń jasyna qatysty kezekti zertteýin usyndy, dep habarlaıdy QazAqparat tilshisi.

Osy jyldyń 21 shildesindegi jaǵdaıǵa sáıkes, elimizdiń óńirleri ákimderiniń ortasha jasy - 52,2.

Egde tartqan ákimderdiń kóshbasynda Shyǵys Qazaqstan oblysyn basqaratyn Danıal Ahmetov tur. Ákim qazir 68,1 jasta.

Odan keıingi orynda jańadan qurylǵan Jetisý oblysynyń ákimi Beıbit Isabaev (59,6 jasta) pen Aqtóbe oblysynyń ákimi Ońdasyn Orazalın (58,7) tur.

Elimizdiń eń jas ákimi Murat Áıtenov (40,7 jasta) respýblıkalyq mańyzy bar Shymkent qalasyn basqarady.

Sonymen qatar jas ákimderdiń qatarynda Atyraý oblysynyń ákimi Serik Shápkenov (43 jasta) pen elorda ákimi Altaı Kólginov (44,5) bar.

Eń jas ákim Murat Áıtenov laýazymdy qyzmetke 38 jasynda taǵaıyndalǵan jáne sońǵy 2,5 jyl boıy ońtústiktegi alyp shaharǵa basshylyq jasap keledi.

Al Shyǵys Qazaqstan oblysynyń ákimi Danıal Ahmetov óńir basshysy lazýamynda 7,7 jyl (eń uzaq merzim) boıy qyzmet etip keledi. Ol oblys basshysy bolyp 60 jasynda taǵaıyndalǵan.

Jańadan qurylǵan Ulytaý oblysynyń ákimi Berik Ábdiǵalıulynyń óńir basshysy bolǵanyna nebári 25 kún toldy. Ol bul qyzmetke osy jyldyń 11 shildesinde kirisken edi.

Ashy q k ó zderden alyn ǵ an foto