Qazaqstandaǵy eń úzdik joǵary oqý oryndarynyń ulttyq reıtıngi jarııalandy
ASTANA. 11 shilde. QazAqparat - Qazaqstanda akademııalyq statıstıkalyq kórsetkishterdiń, sarapshylardyń baǵalaýlary men jumys berýshilerdiń arasynda júrgizilgen saýalnamanyń negizinde úzdik joǵary oqý oryndarynyń aǵymdaǵy jylǵy reıtıngi jasaldy. «Kazahstanskaıa pravda» gazetiniń jazýynsha, kópbeıindi úzdik joǵary oqý oryndarynyń bestigine myna ýnıversıtetter kirdi:
97,03 % kórsetkishpen - L. Gýmılev atyndaǵy Eýrazııa Ulttyq ýnıversıteti;
95,38 % - Ál Farabı atyndaǵy Qazaq Ulttyq ýnıversıteti;
53,5 % - Muhtar Áýezov atyndaǵy Ońtústik Qazaqstan memlekettik ýnıversıteti;
53,02 % - E. Bóketov atyndaǵy Qaraǵandy memlekettik ýnıversıteti;
45,17 % - S. Toraıǵyrov atyndaǵy Pavlodar memlekettik ýnıversıteti.
Al úzdik tehnıkalyq oqý oryndarynyń bestigi mynalar:
Qazaqstan - Brıtan tehnıkalyq ýnıversıteti - 91,19%;
Qanysh Sátbaev atyndaǵy Qazaq Ulttyq tehnıkalyq ýnıversıteti- 72,08%;
Qaraǵandy memlekettik tehnıkalyq ýnıversıteti - 67,23 %;
Almaty tehnologııalyq ýnıversıteti - 53,68%;
Sáken Seıfýllın atyndaǵy Qazaq Agrotehnıkalyq ýnıversıteti - 52,77%.
Sonymen qatar, gýmanıtarlyq-ekonomıkalyq úzdik joǵary oqý oryndary mynalar bolyp anyqtaldy:
QMEBI (KIMEP) ýnıversıteti - 96,30%;
Qaztutynýodaǵynyń Qaraǵandy ekonomıkalyq ýnıversıteti - 59,02%;
Turar Rysqulov atyndaǵy Qazaq ekonomıkalyq ýnıversıteti - 58,33%;
Qazaq gýmanıtarlyq-zań ýnıversıteti - 56,06 %;
Abylaı han atyndaǵy Halyqaralyq qatynastar jáne álem tilderi ýnıversıteti - 56,03 %.
Oǵan qosa, «Astana» medıtsınalyq ýnıversıteti (Qazaq memlekettik medıtsınalyq akademııasy -86,41 %) elimizdiń úzdik medıtsınalyq oqý orny atansa, Abaı atyndaǵy Qazaq ulttyq pedagogıkalyq ýnıversıteti (94,80%) úzdik pedagogıkalyq joǵary oqý orny degen baǵa alǵan.
Al úzdik óner oqý oryndarynyń ishinde birinshi oryndy - 91,28 % kórsetkishpen Qazaq ulttyq óner ýnıversıteti (Qazaq ulttyq mýzyka akademııasy) ıelendi.
