Qazaqstandaǵy eń úzdik ınvestıtsııanyń biri - «Bolashaq» baǵdarlamasy - Ser Rıchard Evans

ASTANA. QazAqparat - Qazaqstandaǵy eń úzdik ınvestıtsııanyń biri - «Bolashaq» baǵdarlamasy. Búgin Astanada Memleket basshysy N. Nazarbaevtyń qatysýymen ótip jatqan «Samuryq-Qazyna» AQ Transformatsııa baǵdarlamasynyń tusaýkeserine arnalǵan forým barysynda «Samuryq-Qazyna» Qory Dırektorlar Keńesiniń múshesi Ser Rıchard Garrı Evans osylaı málimdedi.

«Transformatsııa jospary - bul uzaqmerzimdi baǵdarlama. 10, 15 tipti 20 jyl osyǵan ketýi múmkin. Bunyń ózi biz úshin aǵymdaǵy joǵary menedjment qazir oryn alyp jatqan ózgeristerdiń, baǵdarlama barysynda oryn alatynnyń árbirin baqylaı almaıtynyn ańǵartady. Sondyqtan da, transformatsııa jumysynyń negizgi aýqymy búgingi menedjerler býynynyń emes, keleshektegi jas urpaqtyń moınyna túsýi múmkin. Sol sebepten biz dál osy keleshek órender úshin, olardy transformatsııa maqsat-mindetin oryndaýǵa daıarlaýymyz kerek», - dedi Ser Rıchard Evans.

Onyń aıtýynsha, Qazaqstandaǵy eń úzdik ınvestıtsııanyń biri - «Bolashaq» stıpendııasyn engizý. Sonymen qatar, Dırektorlar keńesiniń múshesi Nazarbaev Ýnıversıtetiniń dúnıege kelýin de ınvestıtsııanyń ozyq úlgisi dep atap ótti. «Biz osyndaı ınvestıtsııalardan jeńiske jete alamyz», - deı kele mundaı baǵyttaǵy stpendııalar, trenıng kompanııalardyń mańyzy zor ekenin atap ótti. «Bizde mundaı baǵdarlamalar barshylyq. Іri jetkizýshiler tarapynan da usynylyp jatyr. Solardyń biri Qashaǵanmen baılanysty bolatyn, alaıda ol áli júzege aspaı otyr. Bizge joǵary sapaly damý baǵdarlamalaryn qurý qajet, sol arqyly damý men tájirıbe asa jaǵymdy bazany qalyptastyrady», - dedi ol.