Qazaqstandaǵy eń tómengi jalaqy halyqaralyq standarttarǵa saı bolady
ASTANA. QazAqparat - Búgin QR Parlamenti Májilisiniń jalpy otyrysynda palata depýtattary «Eń tómengi jalaqyny belgileý rásimin jasaý týraly konventsııany (26-konventsııa) ratıfıkatsııalaý týraly» zań jobasyn jumysqa aldy.
«Atalmysh Konventsııany ratıfıkatsııalaý elimizdegi eń tómengi jalaqyny belgileý jáne Qazaqstannyń osy saladaǵy normalardy saqtaý bóliginde halyqaralyq standarttardyń engizilýin qamtamasyz etýge baǵyttalady», dedi Májilistiń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev. Onyń aıtýynsha, atalǵan zań jobasyna komıtet tarapynan qorytyndy ázirleý 31 naýryzǵa deıingi merzimge belgilenip otyr. Budan bólek, jalpy otyrysta palata depýtattary «Jalaqyny kóterý týraly konventsııany (95-konventsııa) ratıfıkatsııalaý týraly» zań jobasyn da Májilistiń óndirisine aldy.
