Qazaqstandaǵy eń tómengi kúnkóris deńgeıi maýsymda 5,2% ósti

ASTANA. QazAqparat - 2018 jylǵy maýsymda Qazaqstandaǵy eń tómengi kúnkóris deńgeıiniń mólsheri 27 850 teńgeni qurady. Bul aldyńǵy aıdaǵy kórsetkishten 5,2 paıyz artyq dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.

Vedomstvo málimetinshe, negizgi tamaq ónimderin tutynýdyń eń tómengi normalarynan eseptelgen halyqtyń jan basyna shaqqandaǵy eń tómengi kúnkóris deńgeıiniń shamasy 2018 jylǵy maýsymda 2017 jyldyń jeltoqsan aıymen salystyrǵanda 8,8 paıyzǵa,  al ótken jyldyń maýsymyna qaraǵanda 10,9 paıyzǵa joǵarylaǵan.

«Onyń qurylymynda et pen balyqty satyp alýǵa jumsalǵan shyǵystardyń úlesi 18,8, sút, kilegeı ónimderi men jumyrtqaǵa - 16,6, jemister men kókónisterge - 12,7, nan jáne jarma ónimderine - 6,9, qant, shaı jáne dámdeýishterge 2 paıyzdy qurady», - delingen habarlamada.