Qazaqstandaǵy eń tómengi kúnkóris deńgeıi 12% ósken
NUR-SULTAN. QazAqparat – Qazaqstanda 2019 jylǵy maýsym aıynda ortasha kúnkóris mınımýmynyń shamasy jan basyna shaqqanda - 29 myń 618 teńge boldy. Bul ótken aıdyń kórsetkishimen (maýsymda – 29 myń 872 teńge) salystyrǵanda 0,9% kem, dep habarlaıdy QazAqparat statıstıka komıtetine silteme jasap.
Negizgi azyq-túlikti tutynýdyń eń tómengi normasymen eseptegende kúnkóris mınımýmynyń shamasy jan basyna shaqqanda 2018 jylǵy jeltoqsanmen salystyrǵanda bıylǵy jyldyń shilde aıynda 12% ósken. Al ótken jyldyń dál osy aıymen salystyrǵanda - 9,2% kóp.
Kúnkóris mınımýmy qurylymynda shyǵyndar úlesi et jáne balyq ónimderin satyp alýǵa - 19,9% sút, maı ónimderine jáne jumyrtqaǵa – 14,8%, jemis-kókónis ónimderine - 10,9%, nan jáne jarma ónimderine - 7,4%, qant, shaı jáne dámdeýishterge – 2% qurady.
