Qazaqstandaǵy eń tanymal mamandyqtar belgili boldy
ALMATY. QazAqparat - Qazaqstandaǵy eń tanymal mamandyqtar qataryna mektep muǵalimi jáne esepshi kirdi, dep habarlaıdy QazAqparat tilshisi Finprom.kz-ke silteme jasap.
«Aǵymdaǵy jyldyń ekinshi toqsanynyń sońynda jumyspen qamtylǵan turǵyndar sany 1,5% -ǵa ósip, 8,8 mln adamǵa jetti. Ótken jyly bul 8,6 mln. adamdy kórsetken. 15 jastan joǵary halyqty jumyspen qamtý deńgeıi 66,7% quraıdy. Jumyspen qamtylǵandardyń basym bóligi jaldamaly jumysshylarǵa keledi, olardyń úlesi 76,1% nemese 6,7 mln. adam. Ózin-ózi jumyspen qamtyǵandardyń úlesi 23,9% nemese 2,1 mln adam », - delingen habarlamada.
2019 jyldyń ekinshi toqsanynyń sońynda jaldamaly jumysshylar sany 6,7 mln. adamǵa jetti. Bul ótken jyldyń sáıkes kezeńimen salystyrǵanda 1,5% kóp.
Jumyspen qamtylǵan halyqtyń kóbi bilim berý salasynda jumys isteıdi. 16,1% nemese 1,1 mln. adam. Sonymen qatar, suranysqa ıe qyzmetterdiń alǵashqy úshtigine ónerkásip (15,7% nemese 1 mln adam), kóterme jáne bólshek saýda kirdi; avtomobılder men mototsıklderdi jóndeý qyzmetinde (10,9% nemese 724,9 myń adam).
Sarapshylardyń zertteýlerine sáıkes, eń tanymal mamandyqtardyń alǵashqy ondyǵynda mektep muǵalimderi kósh bastap tur. Belgili bolǵandaı, árbir orta bilim berý mekemesinde 20 qyzmetker jumys isteıdi. Jalpy, Qazaqstanda 352,2 myń muǵalim bar.
Kelesi orynda esepshiler (býhgalterler) 268,2 myń adam.
Úzdik úshtik qatarynda - sýpervaızerler, satýshylar jáne olardyń kómekshileri bar - 256 myń adam.
Ekinshi toqsannyń sońynda jumyssyzdar sany 441,8 myń adamdy qurady, bes jyl ishinde olardyń sany 4,2% azaıǵan.
Jumyssyzdardyń basym bóligi Almatyda 50,3 myń adam. Bul eldegi jumyssyzdardyń jalpy sanynyń 11,4% quraıdy. Almaty oblysynda 48 myń adam, Túrkistan óńirinde 42,1 myń adam jumyssyzdar qatarynda.
15-28 jas aralyǵyndaǵy jumyssyzdar sany 81,1 myń adam.
Halyqtyń jumyssyzdyq deńgeıi bir jyl ishinde 4,9% -dan 4,8% -ǵa, deıin tómendedi.
