Qazaqstandaǵy eń tabysty aqyly jol qandaı
«Bizdegi 4 aqyly joldyń jalpy uzyndyǵy – 680 shaqyrym. Nur-Sultan – Shýchınsk, Nur-Sultan – Temrtaý, Almaty – Qapshaǵaı jáne Almaty – Qorǵas joldarynan túsetin jalpy tabys - 5,7 mlrd teńge boldy. Eń tabysty jol – eń qysqasy bolsa da, Almaty-Qapshaǵaı ýchaskesi. Bul bólikten 1,6 mlrd teńgedeı tabys keledi. Onyń bir bóligin «QazAvtoJol» basqa aqyly ýchaskelerge baǵyttady. Óıtkeni Temirtaý men Shýchısnkke astanadan qatynaıtyn joldar óte kúrdeli. Qysta jıy qar alady. Shýchınsk jolynyń tabysy da 1,6 mlrd teńge bolady. Temirtaý men Qorǵaý ýchakesiniń kirisi shamamen 1,1 mlrd teńgeden», - dedi ol halyq aldyndaǵy eseptik kezdesýinen keıin ótken brıfıngide.
Beıbit Atamqulov aqyly joldyń tabystylyǵy qozǵalystyń jıiligine jáne ótetin kólikterdiń tıpine baılanysty ekenin eskertti. Sondaı-aq, ol Qazaqstannyń aqyly joldarynda nege Eýropadaǵydaı servıs joq ekenin túsindirdi.
«Bizdegi aqyly jodar men Eýropany salystyryp jatady. Eýropadaǵy tyǵyzdyqty qarańyzdar. Joldardyń kirisi óte joǵary. Óıtkeni kólik aǵyny óte tyǵyz. Al bizde 500 shaqyrymdyq joldyń boıynsha birneshe shaǵyn eldi meken ǵana ornalasqan. Servıs máselesi de osyǵan baılanysty. Bizde joldardy kútip ustaý óte qıyn. Qysta qar alǵanda tehnıka ondaǵan shaqyrym jerden baratyn kezder bolady. Klımatymyz da, tyǵyzdyǵymyz da ár túrli. Joldarymyz óte uzyn, al halyqtyń sany az. Kólik sany boıynsha da kóptegen eldermen teńdese almaımyz. Bul kórsetkish joldyń tabystylyǵyna óte qatty áser etedi. Halqy men kólik sany tyǵyz elderde joldyń shyǵyny tez aqtalady. Ondaǵy baǵa da múlde basqasha», - dedi mınıstr.
