Qazaqstandaǵy eń nátıjeli memlekettik baǵdarlamalar anyqtaldy
Zertteý aıasynda halyqtyń memleket tarapynan kórsetiletin qyzmetterge jáne elde qabyldanyp jatqan sharalardyń nátıjeligine qanaǵattaný deńgeıi baǵalandy. Osy maqsatta statıstıkalyq jáne saýalnama málimetteriniń kómegimen 10 memlekettik baǵdarlamaǵa 10 baldyq shkalamen baǵa berildi:
1. Indýstrııalyq-ınnovatsııalyq damý memlekettik baǵdarlamasy;
2. Kásipkerlikti qoldaýdyń «Bıznes jol kartasy -2020» baǵdarlamasy;
3. Infraqurylymdy damytýdyń «Nurly jol» memlekettik baǵdarlamasy;
4. Agroónerkásiptik keshendi damytýdyń memlekettik baǵdarlamasy;
5. Óńirlerdi damytýdyń 2020 jylǵa deıingi memlekettik baǵdarlamasy;
6. «Tsıfrly Qazaqstan» memlekettik baǵdarlamasy;
7. Tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasy;
8. Qazaqstan Respýblıkasynyń densaýlyq saqtaý salasyn damytýdyń 2016 - 2019 jyldarǵa arnalǵan «Densaýlyq» memlekettik baǵdarlamasy;
9. Nátıjeli jumyspen qamtýdy jáne jappaı kásipkerlikti damytýdyń 2017 - 2021 jyldarǵa arnalǵan baǵdarlamasy;
10. «Nurly jer» turǵyn úı qurylys baǵdarlamasy.
«Taldaýdyń jalpy qorytyndysy negizinde eń nátıjeli memlekettik baǵdarlamalar qataryna «Tildedi damytý men qoldaný» baǵdarlamasy (7,5), «Nátıjeli jumyspen qamtýdy jáne jappaı kásipkerlikti damytý baǵdarlamasy» (7,3) jáne «Densaýlyq» baǵdarlamasy (7,3) endi. Al nátıjesi az baǵdarlamalar retinde saýalnama qatysýshylary «Agroónerkásiptik keshendi damytý baǵdarlamasyn» (6,1), «Indýstrııalyq-ınnovatsııalyq damý memlekettik baǵdarlamasyn» (6,1) «Óńirlerdi damytý baǵdarlamasyn» (6,0) jáne «Bıznes jol kartasyn» (4,6) ataǵan. Tómen baǵa alyp otyrǵan memlekettik baǵdarlamalar - jańa óndiristerdiń ashylýyna, jańa jumys oryndaryn qurýǵa, jáne jalpy halyqtyń turmys jaǵdaıyn arttyrýǵa sep bolatyn baǵdarlamalar ekeni oılandyratyn jaıt», - dep habarlady ortalyqtyń baspasóz qyzmeti.
Jalpy alǵanda, halyq memlekettik baǵdarlamalardyń áseri men nátıjesine tómen baǵa bergen.
Aıta keteıik, saýalnamaǵa elimizdiń barlyq óńirinen 3000-nan astam respondent qatysqan. Respondenter oblys nemese qala turǵyndarynyń sanyna teńestirilip irikteldi. ıAǵnı, Almaty, Túrkistan oblystary jáne Almaty qalasynyń respondentter sany basqa óńirlerden kóbirek.
Buǵan deıin Baqyt ındeksi boıynsha Qazaqstan óńirleriniń birinshi reıtıngi jarııalanǵan bolatyn. Nátıjesinde Nur-Sultan, Shymkent qalalary jáne Aqmola oblysy turǵyndary anaǵurlym baqyttyraq ekeni anyqtaldy.
