Qazaqstandaǵy eń qymbat fýtbol klýbtary - «Astana» men «Qaırat»
ASTANA. QazAqparat - Sońǵy jyldary Qazaqstan chempıonatynda bir-birimen taıtalasyp, saf altynǵa talasyp júrgen «Astana» men «Qaırat» elimizdegi eń qymbat klýbtar bolyp tabylady.
Bul rette transfermarkt.de derekterine súıenip, eki klýbtyń jalpy naryqtyq baǵasy bir-birimen shamalas deýge bolady.
Al úshinshi oryndaǵy «Ordabasy» klýby oıynshylarynyń jalpy naryqtyq baǵasy joǵaryda atalǵan eki klýbtyń jarty baǵasyna da jetpeıdi.
Biraq qazir - qysqy transfer kezi. Klýbtarymyz óz quramyn tolyq jasaqtap úlgergen joq, ıaǵnı áli de tolyqtyra túsedi. Endeshe, bul kórsetkishter ózgeredi.
Jalpy, dál qazir transfermarkt.de saıtynda Qazaqstan premer-lıgasyndaǵy 12 komanda sapynda 282 oıynshy tirkelgen. Fýtbolshylardyń ortasha jasy - 27,2. Syrttan kelgen legıonerler sany - 75. Al premer-lıgamyzdyń jalpy naryqtyq baǵasy - 95 mıllıon 730 myń eýro.
Derekkóz: Astana fýtbol federatsııasy
