Qazaqstandaǵy eń qymbat fýtbol klýbtary anyqtaldy
ASTANA.QazAqparat - Qazaqstan premer-lıgasynyń jalpy naryqtyq quny 112 030 000 eýrony qurady, dep habarlaıdy QazAqparat.
Transfermarkt.de derekterine sáıkes, Qazaqstan premer-lıgasyndaǵy 12 komanda sapynda 323 oıynshy tirkelgen bolsa, onyń 103-i sheteldik oıynshylar. Fýtbolshylardyń ortasha jasy - 27,5.
Jańartylǵan derekterde, elimizdiń eń qymbat fýtbol klýbtarynyń tizimin almatylyq «Qaırat» (20 680 000 eýro) pen el chempıondary «Astana» (17 200 000 eýro) komandalary bastap tur.
Al premer-lıga ÝEFA-nyń bes jyldyq reıtınginde 15.250 upaımen 29-shy orynnan kórindi. Onyń jalpy naryqtyq quny 112 mıllıon 30 myń eýrony qurady. Lıganyń eń qymbat oıynshysy 3 mıllıon eýro jalaqy alatyn serbııalyq fýtbolshy Nemanıa Maksımovıch.
Aıta keteıik, Nemanıa Maksımovıch 2015 jyldan bastap Astana sapynda óner kórsetti. Serbııalyq 1 shildeden bastap Valensııaǵa qosylyp ıspanııalyq LaLiga-da óner kórsetedi.
