Qazaqstandaǵy eń qaýipti jol bóligi anyqtaldy

ASTANA. QazAqparat - QR Bas prokýratýrasynyń Quqyqtyq statıstıka jáne arnaıy esepke alý jónindegi komıteti 2017 jyldyń alǵashqy jartysyndaǵy jol apattylyǵy men jaraqattaný jaǵdaıy týraly málimetterdi usyndy.

Komıtettiń baspasóz qyzmetiniń habarlaýynsha, 6 aıda respýblıka joldarynda 7127 jol-kólik oqıǵalary bolǵan. Onda 9992 adam zardap shegip, 738-i qaza tapqan. Ótken jyldyń alǵashqy jartyjyldyǵymen salystyrǵanda, jol-kólik oqıǵalary 10,7%-ke, zardap shekkender sany - 10,3%-ke, mert bolǵandar sany - 20,5%-ke azaıǵan.

Jol-kólik oqıǵalarynyń basym kópshiligi Almaty, Almaty oblysy jáne Ońtústik Qazaqstan oblystarynda bolǵan.

Ólim-jitim jaǵynan Almaty oblysy kósh bastap tur. Aımaq joldaryna 162 adam kóz jumǵan. Eń úlken jol-kólik  oqıǵasy Aqtóbe oblysynda tirkelgen, onda 9 adam qaza bolyp, 16 adam zardap shekken.

«Apattylyq kartasy» kórsetkendeı, Almaty qalasyndaǵy Jandosov-Manas kósheleriniń qıylysy Qazaqstandaǵy eń apatty jol bóligi bolyp tanyldy. Onda jyl basynan beri 9 jol-kólik apaty tirkelip, 10 adam jaraqattanǵan.