Qazaqstandaǵy eń basty ІT-sharalardyń biri Cisco Expo-2012 konferentsııasynyń ótetin kúni jarııa etildi
ASTANA. 31 shilde. QazAqparat - Aǵymdaǵy jyldyń 9 qazanynda Ortalyq Azııadaǵy joǵary tehnologııa salasyndaǵy eń iri konferentsııa - Cisco Expo óz jumysyn bastaıdy.
Bul shara elimizde osymen toǵyzynshy márte ótpek. Úsh kúnge sozylatyn konferentsııa eki qalada, atap aıtqanda, 9-10 qazanda Almatyda («Interkontınental») jáne 12 qazanda Astanada («Redısson») ótedi.
Cisco Expo-2012 baǵdarlamasy Cisco kompanııasynyń jańa tehnologııalar men sheshimderine arnalady ári Qazaqstannyń ІT-qoǵamdastyǵynyń barlyq sanatyna baǵyttalǵan. Cisco mamandary men áriptes kompanııalar telekommýnıkatsııa salasyndaǵy sońǵy úrdister jaıynda áńgimelep, túrli sheshimderdi engizý tájirıbelerimen bólisedi.
Sońǵy jyldary Cisco Expo konferentsııasy qazaqstandyq aqparattyq jáne kommýnıkatsııalyq tehnologııalar salasyndaǵy iri sharalar mártebesine ıe bolyp, elimizdegi basty ІT-oqıǵalardyń birine aınaldy. Ótken jyly konferentsııaǵa jelilik tehnologııalar salasynyń 550 kásibı qyzmetkeriniń basyn qosyp, elimiz mamandarynyń aldyńǵy qatarly tehnologııalarǵa qyzyǵýshylyǵyn pash etti.
Sisco Expo-2011 17 áriptes kompanııa men 17 medıa áriptestiń qoldaýymen ótti. 40-qa jýyq tehnologııalyq dárister barysynda konferentsııaǵa qatysýshylar Cisco kompanııasynyń jańa ónimderimen tanysyp, jelilik tehnologııa salasyndaǵy óziniń biliktiligin arttyrýǵa múmkindik aldy.
Cisco Expo konferentsııasy Qazaqstan, Reseı jáne Ýkraınany qosa alǵanda birqatar elde ótkiziledi.
