Qazaqstandaǵy elektr jelileriniń 55 paıyzy tozǵan

NUR-SULTAN. QazAqparat – Qazaqstandaǵy elektr jelileriniń 55, al jylý jelileriniń 80 paıyzy tozǵan. Mundaı derekterdi elektr energııasy tarıfine qatysty pikir bildirgen «Ekonomıkalyq zertteýler ınstıtýty» AQ ortalyǵynyń dırektory Aıdyn Baqdolotov keltirdi, dep habarlaıdy QazAqparat tilshisi.

Aıdyn Baqdolotovtyń málimetinshe , búginde elimizdegi generator qurylǵylarynyń - 78, elektr jelileriniń - 55, jylý jelileriniń - 80 jáne sý qubyrlary jelileriniń - 49 paıyzy tozǵan.

Ol qazirgi naryqtaǵy tarıfter qunynyń tómen bolýy - qajetti qurylǵylardy jańartýǵa kedergi bolyp otyrǵanyna toqtaldy.

«Tarıfterdi tómen baǵamen jasandy ustap turý saldary jaryqty jıi sóndirý jáne jylý elektr stansalaryndaǵy apattarǵa aparyp soǵady. Ol halyq pen bızneske qyp-qyzyl shyǵyn ákeledi. Qalyptasqan jaǵdaı bul baǵyttaǵy ekonomıkalyq saıasatty qaıta qaraýdy talap etedi», - dep sanaıdy Aıdyn Baqdolotov.

Sarapshy boljamynsha, tarıfterge qoıylǵan shekti baǵany qaıta qaraý máselesi qolǵa alynsa, onda tozǵan qurylǵylardyń 15 paıyzyn jańartýǵa bolady.

Qosa ketsek, qyrkúıek aınynan bastap Qostanaıda elektr energııasynyń tarıfi shamamen 5 paıyzǵa ósti.

Sonymen qatar, Mańǵystaý oblysynda da tarıfter qymtattady.