Qazaqstandaǵy elektr stantsııalarynyń 66% tozǵan – mınıstrlik

ASTANA. QazAqparat – Orta eseppen elimizdegi elektr jelileriniń 66% tozǵan. Bul týraly Energetıka mınıstrliginiń saıtynda jarııalanǵan «QR energııa únemdeý jáne energııa tıimdiligin arttyrý salasyn damytýdyń 2023-2029 jyldarǵa arnalǵan tujyrymdamasynda» jazylǵan, dep habarlaıdy QazAqparat tilshisi.

«Búgingi tańda elektr stantsııalarynyń óndirýshi jabdyqtarynyń 55,5%-y 30 jyldan, 5,8%-y 21-30 jyldan, 13,1%-y 11-20 jyldan, 18,2%-y 5-10 jyldan jáne 7,4%-y 5 jyldan asqan. Elektr jelileriniń kóp bóligi 1970 jyldary salynǵan. Elimizde elektr jelileriniń tozý deńgeıi orta eseppen 66% quraıdy. Osynyń saldarynan tasymaldaý kezinde elektr energııasynyń 6-7% joǵalady. Energetıka sektorynyń otyn-energetıkalyq resýrstardy tıimsiz paıdalanýynan basqa, joǵaryda atalǵan problemalar Qazaqstannyń energetıkalyq júıesiniń jumys isteý senimdiligin tómendetedi jáne birinshi kezekte eldiń energetıkalyq qaýipsizdigine jáne ekonomıkanyń turaqtylyǵyna áser etedi», - delingen qujatta.

Vedomstva aqparatyna sáıkes, qazir energetıkalyq keshenderdiń negizgi bólikterin jóndeý men olardaǵy jabdyqtardy jańǵyrtý múmkindigi joq. Buǵan tómen tarıfter sebep bolyp otyr.