Qazaqstandaǵy elektoraldyq belsendilik deńgeıi 69,7 paıyzdy quraıdy

Bul týraly búgin elordada ótken baspasóz máslıhatynda «Demokratııa ınstıtýty» ǵylymı-zertteý qaýymdastyǵy» Qoǵamdyq birlestiginiń jobalar jónindegi dırektory ıÝlııa Kýchınskaıa málimdedi.

Onyń sózine qaraǵanda, «2012 jylǵy 15 qańtardaǵy Qazaqstan Respýblıkasy Parlament Májilisi depýtattarynyń jáne máslıhattardyń saılaýyna Siz qatysasyz ba?» degen suraq boıynsha el turǵyndary arasynda saýalnama júrgizgen. Nátıjesinde respondentterdiń 57,5 paıyzy naqty túrde ózderiniń daýys berýge qatysatyndyqtaryn málimdegen. Al suralǵandardyń 12,2 paıyzy «shamasy bararmyn» dep jaýap bergen.

Sonymen qosa, saýalnama nátıjelerine júgingen qoǵamdyq uıym ókili ıÝ.Kýchınskaıa buǵan deıingi monıtorıngtiń qorytyndylarymen salystyrǵanda jurtshylyq arasynda elektoraldyq belsendilik pen saıası partııalardyń reıtıngilerinde ósim baıqalatyndyǵyn alǵa tartady. Onyń aıtýynsha, saýalnama suraqtaryna Qazaqstannyń barlyq óńirlerinen jáne Astana men Almaty qalasynan jalpy sany 1 myń 500 respondent qatysqan. Al irikteýlerden ketetin qatelikter plıýs-mınýs 2,5 paıyz tóńireginde bolatyny boljanady. Saýalnama «Qazaqstannyń azamattyq alıansy» Zańdy tulǵalar birlestiginiń tapsyrysy boıynsha jasalǵan.