Qazaqstandaǵy EQYU sammıtine deıin biz Qarabaq problemasyn retteýdiń ortaq qaǵıdalarynyń kelisilgen nusqasyna shyǵa alar edik - D.Medvedev
ASTANA. Qazannyń 28-i. QazAqparat - Reseı Prezıdenti Dmıtrıı Medvedev Taýly Qarabaq problemasyn retteý jónindegi kelissózderdiń aıasyndaǵy Reseı, Ázirbaıjan jáne Armenııa prezıdentteriniń kezdesýin paıdaly dep sanaıdy. Bul týraly RBK agenttigi habarlap otyr.
Kremldiń baspasóz qyzmetiniń aqparaty boıynsha, D.Medvedev: «Kelissózge qos taraptyń da qatysý fakti, Qarabaq janjalynyń belsendi fazasynan jaqsyraq», - dep málim etti. Oǵan qosa, prezıdent, «bul tek kelissóz emes, alǵa ilgerileýshilik ekenin» atap kórsetti.
Qarabaq janjalyn talqylaýdyń qorytyndysy boıynsha D.Medvedev, problemany retteýdiń ortaq qaǵıdalarynyń kelisilgen nusqasy jeltoqsannyń 1-2-sinde paıda bolýy múmkin ekenin aıtty. «Biz biraz jumystar atqardyq, eger taraptar aldaǵy aılarda jaqsy jumys istese, syrtqy ister mınıstrlerine biz ondaı tapsyrma mindetti túrde beremiz, Qazaqstanda jeltoqsannyń 1-2-sinde ótetin EQYU sammıtine biz problemany retteýdiń ortaq qaǵıdalarynyń kelisilgen nusqasymen bara alar edik», dep sanaıdy RF Prezıdenti.
Esterińizge sala keteıik, Reseı Prezıdenti D.Medvedev, Ázirbaıjan Prezıdenti Ilham Álıev jáne Armenııa Prezıdenti Serj Sargsıan sársenbi kúni Astrahanda ótken úshjaqty kezdesýde Taýly qarabaq problemasyn retteýdiń joldary talqylandy.
