Qazaqstandaǵy egin orýshy tehnıkalardyń 40 paıyzy - «Rostselmashtyń» úlesi
SANKT-PETERBÝRG. Qazannyń 25-i. QazAqparat /Elena Mıagkova/ - «Rostselmash» kompanııasy shyǵaratyn árbir onynshy kombaın Qazaqstanǵa jetkizilip otyr. Kompanııanyń baspasóz qyzmetinen habarlaǵandaı, 2000 jyldan beri «Rostselmash» qazaqstandyq agrarshylarǵa 5 myńnan astam kombaın jetkizgen. Búginde respýblıkadaǵy egin orýshy tehnıkalardyń 40 paıyzy - reseılik kompanııanyń úlesinde.
Astanada bastalǵan «QazAgro-2010» kórmesinde reseılik kompanııanyń Qazaqstannyń agroónerkásiptik keshenindegi roli sóz boldy. Qazaqstannyń Aýyl sharýashylyǵy mınıstri Aqylbek Kúrishbaev kórmedegi reseılik kompanııanyń stendinde bolyp, Qazaqstanda qurastyrylǵan alǵashqy VECTOR kombaınymen tanysty. A.Kúrishbaevtyń pikirinshe, Qazaqstanda «Rostselmashtyń» qurastyrý óndirisiniń uıymdastyrylýy respýblıka úshin mańyzdy jáne kerek joba.
Reseılik kompanııanyń Qazaqstandaǵy ókildiginiń dırektory Andreı Kolesnıkovtyń aıtýynsha, «Rostselmash» Qazaqstan naryǵynda tek kombaındar boıynsha ǵana emes, traktorlar boıynsha da kóshbasshy orynda.
