Qazaqstandaǵy e-saýdany damytý úshin barlyq qajetti ınternet-ınfraqurylym bar - KKM basshysynyń orynbasary S.Sársenov
ASTANA. 17 mamyr. QazAqparat - Qazaqstanda elektrondyq kommertsııany damytý úshin barlyq qajetti ınternet-ınfraqurylym bar.
Bul týraly QR Kólik jáne kommýnıkatsııa vıtse-mınıstri Sáken Sársenov aıtty, dep habarlady Primeminister.kz.
«Infraqurylymdyq jaǵynan Qazaqstan elektrondyq kommertsııany damytýǵa burynnan daıyn. Eger ınternet týraly aıtatyn bolsaq, barlyq tehnologııalar engizildi», - dedi S.Sársenov.
Vıtse-mınıstrdiń aıtýynsha, sáýir aıynyń basynan beri Qazaqstanda turǵyndardyń 65,9 paıyzy ınternet paıdalanady. 10 mln-nan astam azamat ınternetke uıaly telefondary arqyly shyǵady. 2012 jyldyń sońyna elimizde tirkelgen ortasha ólshengen ınternet jyldamdyǵy - 18,3 Mbıt/s, syrtqy - 7,4 Mbıt/s qurady.
Sonymen qatar ol e-saýdany odan ári damytý úshin elektrondyq kommertsııa týraly zań qabyldap, tólemdik jáne logıstıkalyq júıeler engizý qajettigin de atap ótti.
«Qazir Ekonomıka jáne bıýdjettik josparlaý mınıstrligi bul máselege qatysty jumys júrgizip jatyr, taıaý jylda zań qabyldanady. Qazaqstanda biryńǵaı tólemdik júıeni engizý kerek. Oǵan qatysty jumystardy EBJM Ulttyq bankpen birlesip júrgizýde. Jáne odan mańyzdylyǵy kem emes másele - logıstıkalyq júıeni qurý. Munymen qazir «Samuryq-Qazyna» aınalysýda. «QTJ» UK» AQ, «Qazposhta» jáne avıatasymaldaýshylar bazasynda osyndaı qurylym qurylady», -dep málimdedi S.Sársenov.
Vıtse-mınıstrdiń sózine qaraǵanda, osy úsh faktiniń bári de Qazaqstandaǵy elektrondyq saýdany damytýǵa aıtarlyqtaı kúsh beredi.
«Taldaýshylardyń málimetinshe, 2016 jylǵa qaraı Qazaqstandaǵy e-saýda naryǵy 2,4 mlrd dollardy nemese jalpy reteılden 2,5 paıyzdy quraıdy. Men barlyq bıznesmenderdi elektrondyq kommertsııamen aınalysýǵa shaqyrar edim. Bul óte tabysty jáne qyzyqty bıznes», - dedi KKM basshysynyń orynbasary S.Sársenov.
